۰

اشعار ترکی روز نیمه شعبان

اشعار مذهبی مناسبت ها

اشعار ترکی روز نیمه شعبان

 

عرض ارادت به ساحت مقدّس حضرت ولیّعصر(عج)

نَقَـــــــدرخالقِ عالـم سنی زیبایـارادیب                    

اوقَدَرعـــاشق شوریده وشــیدا یارادیب

منــه گلسین قاداسی گوزلروون بیرباخشی                  

اورگیمـده نئجه دنیابـویی غوغـا یارادیب

نرگسی گؤزلره قربان دییه سن خالق عشق                 

اولاری صبر و قرار آلمـاقـا شهلا یارادیب

هانی درد اهلی دییم دردیمی بلـــکه آزالا                 

منی غم چکماقا غم صاحبی تنها یارادیب

نَقَـدرآتش هجـرانه یانیـم ، منــــده مگر؟                

نَقَدرتــاب وتوان حیّ توانـــا یـارادیب

یوخ گلایه یئری امّا ئوزی اوّل گونـــــدن                

عاشقین خالقی ، معشوقی شکیبایـارادیب

حقلیم شام وسحرکـویوی ماوا ائلســــم                

کوی یاری ،‌ یارادان عاشقــه ماوا یارادیب

حدّسیزحمدوثناصنعونه صورتگـــروون                 

که بو صورتده نه عالم نئجه معنـایارادیب

بونه صورتدی ،  نه قامتدی کـه خلّاق ازل                  

عالمی قامتوه محو تماشا یـــــارادیب

بیربئله حسن خدادادیله ای آیت حُــسن                   

کیم دییرحُسنده خالق سنه همتایارادیب

غبطه ایلرله وجاهتده گؤزللرسنه ، چـون                    

اولسالارقطره گوزللر ، سنی دریا یـارادیب

وئرخبرپیک صبا یوسف مصـــری گله تا                     

گؤره نه جلوه نه فریوسف زهــرا یارادیب

حدّاعلاده دی حُسنون سنون ای حُسنه مَثَل                

جلوهحُسنونه خالق سنی مَجــلا یارادیب

سن، او ، بیتُ الغزلِ شعرِ  وفاســن که سنی                 

خالق شعرئوزونه دلکش وشیــوا یارادیب

هانی صهبای محبّت ، وئیره ساقیِّ وفــــا              

گؤره دُردیلره ،نه دَرد، اوصـهبایـارادیب

چوخالیر عمر چوخالدیقجا تمّنا دئیه ســـن               

باشدا سودای جـوانلیق بوتمّنایـارادیب

چوخ دئدیم گویلومه پروا ائله عاشیق لیقدان               

دئـدی خـلاّق مگرعاشقه پروا یارادیب

دئدیم افراط ائلمه عشقده رسوای اولاســـان 

یاردان سویلدی عاشقلری رسوا یارادیب

عشق اگـراولماسا آیا ندی معنای حـــیات؟                

بشری عشقیلـه تــوأم حق یکتا یارادیب

عشق مولانـی خدایـا الیمیـزدن آلـــما               

دل احبّایه صفایِ غـــمِ مــولا یارادیب

دلده گرنور ولا اولماسا دل، یوخدی ،گِله                      

گـوهرجـانه بهـا نـور تــولّا یــارادیب

عاقل اولماق سنه ایش وئرمدی دنیاده حزین               

ئوزونه اهل جنون گؤرنئجه دنیا یــارادیب

 شاعر : حیدرخسرو شاهی (حــزین)

  

یاصاحب الزمان عجّل علی ظهورک

ای ولایت اهلینون مولاسی یا صـاحب زمان

نخل توحیدین گل رعناسی یا  صاحب زمان

***

گَل، زمان طوفاندی ای عصروزمانین صاحبی          

سندن ئوزگه یوخ بوگون اسلامیانین صاحبی

گل، جهانی روشن ائیله ،ای جهانین صاحبی          

  تاقورولسون معـدلت شوراسی یاصاحب زمان

گل، ییغیشدیر دهردن کفر و ظلالت پرچمین          

ویر هامی عالملره حقّ وعدالت پرچــــمین

نصب ائله هریاندا اسلامین اصــالت پرچمین           

 دولدورا دنیانی حقّ آواسی یاصـــاحب زمان

ای ولیّ الله اعظم حجّت کبـــــــرای حق           

وی قویان باشه شرفدن تاج کرّمـــنای حق

ای امام کـــــون وامکان آیت عظمای حق             

 کایناتین باعث ابقاسی یاصـــــاحب زمان

یئریوزونده ای جلال کبریا نین وارثـــــی            

انبیانین جانشینی ، اولیانـــــــین وارثی

هارداسان گل ای شهید کربلانین وارثــی           

قوی گؤرونسون کربلا غوغاسی یاصاحب زمان

سن بوگون ارض وسمانین باعث ابقاسی سن           

واقعی صلح جهانین ضامن اجــراسی سن

دردمندان زمانین ملجاء و مأواسی ســـن          

ای هامی مظلوملارین ملجاسی یاصاحب زمان

روزگاری غم دوتوب ای روزگارین صاحـبی           

کسمه فیض لطفون ای خردوکباریم صاحبی

ذوالفقارون آل اَله ای ذوالفقارین صاحــبی           

صلحه بسدی تیغیوین ایماسی یا صاحب زمان

ای جهانین صاحبی تئزگل جهان آلماقلیقا             

ادّعا صاحب لرینــدن امتحان آلما قلـیقا

جدّوون قانین توکنلردن ده قان آلما قلیقا          

جوشه گلسین بیرده قان دریاسی یاصاحب زمان

کربلاده کوفیان ظلمونده طغیان ائتدیلر           

آل طاهانین مبارک خاطرین قان ائتدیلر

ظلمیله انصاردینی قانه غلطان  ائتدیلـر

هرشهیدین دوغرانوب اعضاسی یا  صاحب زمان

غصه دن اهل ولانین خاطری قان اولدی گل        

ظلمیله ای مصلح عالم بو عالم دولــدی گل

صرصرِ ظلمیله  دینین گلستانی  سولدی گل         

سلب اولوب اسلامیان یاراسی یا صاحب زمان

سیّدی سنسن بوگون اسلام و دینین عزّتی          

مفخــرعرفان  و  قرآن مبینین عـــزّتی

گل بنای کفــری ییخ ای مؤمنینین  عزّتی             

بوگونون بولسونله وار فرداسی یا صاحب زمان

خائن اللــرتفرقه سالماقـدا طغیان  ائیلییب        

دین آدیــــلا قصـد جان اهل ایمان ائلییب

قارداشی قارداشه دشمن قوم عدوان ائیلییب   

گل گئدیب قارداشلیقین معناسی یا صاحب زمان

سالدیلار  بیگانه لر قارداشی،قارداش  جــانینه    

دشمن ایمندی،دوشن،یولداشدی یولداش جانینه

گل بو قدری  قویما  اسلامین  دگه  داش  جانینه        

تار اولا اسلامیان دنیـــــاسی یاصاحب زمان

 سیدی اسلامی امتـلرده وحدت قالمـــــیوب     

درک­ائداخ ضربت بیزه هارداندی فرصت قالمیوب

خلقلرده عدل  و  انصاف  و مرّوت قــــالمیوب     

  یوخدی دنیانین مگرعقباسی یا صاحب زمان؟

سالمیری  یاده  چوخ  انسانلار  عذاب  آیاتینی      

چوخلاری یاددان چیخاردیبلار حساب آیاتینی

ایلیوب  انکار چوخ  چـوخلار  حجاب  آیاتینی      

یوخدی غیظ حقّدن پرواسی یاصاحب زمان

باغلانیب  احبابه  امیّد  و رجانین  یوللاری       

سیّدی وارسنده هـردرده دوانین یوللاری

بیرنظرقیل امن اولا کرب و بلانین یوللاری          

اویولون اُلموش حزین شیداسی یاصاحب زمان

شاعر : حیدرخسرو شاهی (حــزین)

 

عرض ارادت ساحت مقدس حضرت امام زمانه(عج)

تمام کون ومکانین صفاسیدور آقامز                    

جهان واهل جهان پیشواسیدور آقامـز

کُْرات گر یوز اولا حق یارالدا بیر قُلّه                   

همان اوقُلّه نین الحق هماسیدور آقامز

اوبش نفرکه اولوب کّل خلّقته بانی                 

همان اوبش نَفرین دلربا سیدور آقامز

پیمبر و علی وفاطمه ، حسن  و حسین                   

خبر وئروبله بهشتین آقا سیدور آقامز

بـوشاهکـارخداونـدجـلّ اعلادور                   

هامـی نبیّ و وصیلر نما سیدور آقامز

اولارداهرنکی وار بوندا جمع ایدوب خالق                  

تمـام سوزلرینون ابتداسیدور آقامز

جهاندا خامه لرعاجز قالوبدی مدحینده                    

نچونکه مدحلرین انتهـاسیدور آقامز

د ئسم که نوری بونون گُوندی یامَـه تابان                  

نه مِهر و مَه که فلکلرضیاسیدور آقامز

دئسم گوزلدی گوزلیق پایین آلوب بوندان                    

گوزللرین گوزلِ بـر ملاسیدور آقامز

ایکی جهانـه دَه یر بیـرباخشی، بیرخالـی                    

تمـام مـاخلقین مه لقاسیدور آقامز

ائله ملیح یارالدیب ملاحتی یارادان                   

هامی ملیحلر انگشت نماسیدور آقامز

وجاهت  و شرف  و  عزّتینده  بو  بس کی                    

امام عصریدی زهرا بالا سیدور آقامز

بونون وجودینا قائمدی عالم امکان                  

نچونکه درد خفا آشنا سیدور آقامز

 شاعر : اسماعیل فرشی (غمخوار)

 

التجاء ساحت مقدس مولا حضرت بقیه الله اعظمه

 سن کیمی بیر گوزله هانسی گوزللّر تای  اولی

 نه قـره خالووه تای ، نـه ائله حُسنه سای اولـی

چوخ گوزللّر یارادیب یوسفی  یعقوبه  وئرن

وئروب هر بیر کسه پای سن کیمی گوربیرپای اولی

نقشووین  نقشه  سین ائیله بزییوب نقاشون

یئره دامسا او مـرکّبدن آخـار بیـر چای اولی

گر نقـابی گوتوروب حُسن رُخـون ظاهـر اولا

خجیلی بیر ائله نورِ رُخوون گون آی اولی

ایکی دنیایه دگـر بیر ائله نازلـی باخشـون

ای گوزللر گُوزلی ائیله باخیش گُوردای اولی

گر خزان فصلی دوشه اُولکه میزه بیر گذرون

دولانار اوندا خزان فصلی چچکلی  یاز  اولی

سنی تعریف ایلیوب سندن ازل ختم رسل

بویوروبدی بالا مون گلماقی حشره تای اولی

سنی طاووس بهشتی تانیدوب ما خَلقه

حُسنوی یاز سالا عالمجه کُتب تای تای اولی

 عطروی آلما ساگلشن گُلی باغ میوه لری

یا سُلار غنچه ده یامیوه گتیرسه زای  اولی

سنی هرکیم آتـا دنیا اتگینـدن یاپوشا

ایکی دنیا ده اوبدبختین ایشی آخ وای اولی

گر جهالتلـه بیری گلمـاقیوی رّد ائلییه

اونا انسان دیمگ اولماز گَرم اولسا گای اولی

سنه خاطرگئجه گوندوز دولانور گُون گئچیری

مکّه دن تاگوره جاء الحق اوچون بیـرهای اولی

سنیله روزی  وئـرور  مـا خلقه خالق خلق

او وجودیله فنـالـر دولانوب ابقـای اولـی

تک نه بیز منتظروخ  منتظروندی یارادان

فرجین صحبتی هر شام و سحر هرآی اولی

هاردا تشریفون اولا گلشن جنّت دی اویئر

هامی بیر فصل وجودونله بهاره تای اولی

تیکمیشم تکجه بـو دنیاده سیـزه گوز لریمی

سیز وئرن پای همی سای سیز همی بی منّت اولی

بیرتمنادی یوزی قـاره بـو «غم خوار» ائدیری

سن گلـن یولّارا  قربان کسیلـم من آی اولـی

 شاعر :  اسماعیل فرشی (غمخوار)

 

حسین تشنه لبون قاننی آلان گله جاخ

وئروبـدی وعده خدا صاحب زمان گله جاخ                            

دولاندا ظلمیله جوریله بوجهان گله جاخ

بئشینجی سینّه یئتیشمیشدی ایلیوب غیبیت                       

گلنده سینّی اوتوز بش کیمی جوان گله جاخ

دگول غیابی ، ظهوری ، ئوز اختیارینده                      

ظـــهورینه اونا اذن اولسا هرزمــان گله جاخ

گلن گونون دئیسه هر کیم بیلور،یالان دیوری                   

ئوزی ده بیلموری هانسی زمان،هاچان گله جاخ

بو انتظـار فرج بیـر بویوک عبادت دور                     

که باغ دین خداونده ، باغبان گله جاخ

اوکس که پاکدی ،  پاکیزه دی ،  مسلماندی                       

اونا امام ، اونا سلطانِ مهربان ، گله جاخ

اوکس که جور دگل ، حکم شرعیـــله عملی                       

اونا حدود ووران ، ویرمیون امان ،‌ گلـه جاخ

بساط ظلمی ییخان ، دادگاه عـــدلی قوران                        

سعادتین قاپوسین یوزلــره آچان ، گله چاخ

 

وصول ائدن فقـــرا حقین ، اغنیـا لردن                        

بنای ، ظلمی ستم کاخینی یخان ، گله جاخ

قویـان جهـانیـده اجرایـه ، حکم قرآنی                         

عدالتیله بو دنیانی دولــدوران ،‌ گله جاخ

بـودینی ائیـلمه  آلت ، مرام  دنیـایـه                        

الینده حافظ دین ، تیغ جان ستان،گله جاخ

امامه پیرو اولان ، تابع هـوا ، اولمـاز                        

بهارِ عمـره بیلـر دوره خـــزان  ، گلـه جاخ

اوکس که پیرو(ایقان،بیان واقدس)دور                       

دئنه : ( امام زمان )گلمیوب ،اینان ،گله جاخ

خیال باطلی ترک ائیله،گل مسلمان اول                       

بساط ( باب وبهـائی ) نیده ییغان ، گله جاخ

اوکس که قویموری قرآنی خلق درس اوخوسون                   

اونوندا وار خطـری دورهی قرآن ، گله جاخ

دیمه امامــــه نیه گلموری ، نه حکمتی وار                        

دایان، عمللرون اصلاح ائله ،دایان گله جاخ

یالان دانشما ، قوماراویناما ، زنا ائیلمه                        

حدود شرعی گوزتله، که حدووران گله جاخ

ویریم بویئرده سیزه مژده ، ای حسینیلر                         

حسین تشنه لبون قاننــی آلان گله جاخ

پیمبـر عربـی ، « کهنموئی » جد ونـدور                         

سن افتخارائله دنیاده ،که آتان ، گله جاخ

 

شاعر  :  شادروان سیّد حسین کهنموئی

امام زمان مهدی موعود(عج)

امام علی آهنگینده

طلوع ائدوب بیر ایشیقلی نیّر،جهان چراغاندی                   

چمنده گل لرآچوبدی ، عالم ، چوباغ رضواندی

قائم سرمد ، نوگل احمد ، میر هدی ،  گلدی                    

یوسف زهــــرا ،  ماه دلآرا ، نور خدا ،‌ گلدی

مهدی جانم ، مهدی جانم ، مهدی جانم ، بیا                   

مـولا جانم ، مـولا جانم ،  مـــولا جانم  ، بیا

سحر افق دن ، طلوع ایدوبدور ، او ماه رخشنده                

گوروبدی نورِ جمالِ ماهی ، گون اولدی شرمنده

دهری ائدوبدور ، محو تماشا ، صورت زیبـاسی                   

عالمی ائیلوب ، غرقِ تجلّی ، جــلوه سیماسی

مهدی جانم ، مهدی جانم ، مهدی جانم ، بیا                   

مـولا جانم ، مـولا جانم ،  مـــولا جانم  ، بیا 

اگر دئسم آی،بو جلوه لیقدا،که ماه تاب،اولماز                       

اگر دئسم گون،بِله درخشان، بیر آفتاب،اولماز

روشن ائدوبدور، ارض و سمانی،نور جمالیندن                          

طورِسِنادور،سامره شهری،شمع وصالیندن

مهدی جانم ، مهدی جانم ، مهدی جانم ، بیا                   

مولا جانم ، مولا جانم ،  مولا جانم  ، بیا         

آچوب ولایت،باغندا،بیر گُل، بونوع گُل، اولماز                     

نقدری واردور،خدایِ عالم ،بوباغ، بوگُول،سولماز

گولُ نئجه بیرگُول، عالم اولوبدور، محو تماشا سی                    

گُول نئجه بیرگُول،گُوللر اولوبدور،عاشق وشیدای

مهدی جانم ، مهدی جانم ، مهدی جانم ، بیا                      

مهدی جانم ، مهدی جانم ، مهدی جانم ، بیا

او گول جمالی او خط و خالی گورن دیور به به                 

او خوش نگاهی  او مهر و ماهی ئوپن دیور به به

گُوللره باش دی،هم قره قاشدی،هم گول طاهادی             

لبلری غنچه ، گوزلری شهلا ، یوسف زهرادی

مهدی جانم ، مهدی جانم ، مهدی جانم ، بیا                      

مهدی جانم ، مهدی جانم ، مهدی جانم ، بیا

صباخبروئر ، بقیع چولونده ، یارالی زهرایــه                      

ده ، قویدی اوغلون ، پناه عالم ، قدم ، بودنیایه

غم یئمه،سویله کاخ جفایه،لرزه سالان،گلدی                    

اوغلون حُسینون،مُحسنینونده،قانین آلان،گلدی

مهدی جانم ، مهدی جانم ، مهدی جانم ، بیا                   

مولا جانم ، مولا جانم ، مولا جانم  ، بیا

                                   شاعر  : احد عدل جوی غازانی

 

استمداد

ای آفتاب چرخ عدالت هایانداســـان                           

عالم اولوبدی ظلمیله ظلمت هایانداسان

آل ذوالفقاریوی اَله قیل کعبه دن ظهور                            

مظلوم اولوبدی اهل ولایت هایانداسان

                                 شاعر : احد عدل جوی غازانی

استمداد از یوسف زهرا (ع)امام زمان مهدی موعود (عج) « گَل آقا جان »

ای جان جهان جانلارا جان ، گَل آقا جان گَل                هجرانیوه یوخ تاب و توان ، گَل آقا جان گَل

 

ای  مصتبه  عشــقده  سلطان   حقایق                                 پابوسلرون  اولموش  آقا  دیدیوه  شایق      

یار یارینه عاشقدی ولی بیز سنه عاشق

سن سیز بیزه زنداندی جهان ، گَل آقا جان گَل

 

ای پرتو  حُسن  ازلی  نور  محمد ( ص )                                  بند دل   زهرا    و    علی   نو گُل احمد    

گَل گَل سنه قربان اولاق ای قائم سرمد

گوزلور سنی بو خسته دلان  ، گَل آقا جان گَل

 

ای  حجت  خــــلاّق  جــــهان  آیت  کبری                    

ای طلعتی اون دورت گئجه لیق آی کیمی رخشا   

ای عشق  طبیبی  بیـــــزه  وصلوندی  مُدا وا

قور تاردی داخی طاقت جان ، گَل آقا جان گَل

 

ای پـــرده  غیبتده گزن  ماه  دل آرا                                      گورست ئؤزوی عالمی قیل غرق تجلی

گوزلور سنی عاشقلرون ای یوسف زهرا

گُل عارضوی ائیله عیان  ، گَل آقا جان گَل

 

ای شمع شب افروز شبستان ولایت                                               وی نیّر  تابنــــده  اسپهر  امامت

ای ماه درخشنده گــردون عدالت

ظلمیله داخی دولدی جهان،گَل آقا جان گَل

 

ای عارضی گون تک ائدن عالملری روشن                           عاشق لروه  یوخ  بو  فنا  دهـریده ، ایمن 

درمان ائدن عالمده هامی دردلره،سن سن

گوز یاشلار یمیز اولدولا قان  ، گَل آقا جان گَل

 

ای مهری خجالت  ائلی ین  نورجمالی                                ای مظهر طاها و علی خوی  و خصالی

گَلسن دونروک  باشیوا  پروانه  مثالی

قویما بیزی چوخ اشگ فشان ، گَل آقا جان گَل

 

ای غملی قرانلیق گئجه نون صبحی ، پگاهی                       ای بیکس و درمانده لـــرون پشت و پناهی

یاندیردی دلِ عالمی مظلومـــــلارین آهی

دین گُلشنینی اولدی خزان  ، گَل آقا جان گَل

 

ای جدی حسینون توکولن قانین آلان ، گَل                      ای خاک بقیعده گوزی یاشـلی دولان ، گَل  

ای فاطمه نون قلبینی غمـدن قوتاران ، گَل                  آز چوللری گوزیاشلی دولان ، گَل آقا جان گَل

شعراز : احد عدل جوی تبریزی

 

سرود میلاد باسعادت حضرت مهدی (عج)

سمادن بو  ندا  گلدی                      گُلِ آل عبا گلدی

سحرگون چیخمامیش گویدن     یئره نورِ خدا  گلدی

گُــل  زهرایه  باخ،گوزل سیمایه  باخ

جــمال   حیدره،رُخ   طاهایه   باخ

گوزون روشن سنون                    اولا     یا        فاطمه

گُولیله        گُلشنون                    دولا    یا        فاطمه

بیا مهدی بیا ، بیا مهدی بیا

آچوب گُول، گُلشن رضوان     قویوبدور عالمی حیران

بِئله گُول گورمیوب عالم        نه گُول ،گُللر اونا قربان

جهانه  جان  گلوب ، گُل  رضوان گلوب

جمالی گون کیمی ، مه   تابان   گلوب

بیا مهدی بیا ، بیا مهدی بیا

اولوبدور چون مَه رخشا                جمال  یوسف  زهرا

چخوب گُوللر تماشایه               آچوب دل بلبل شیدا

ویرور  جان   گللره ، فَرح      بُلبُلره

آچوب گُللر گولور ، گُلِ       پیغمبره

بیا مهدی بیا ، بیا مهدی بیا

گُل  باغ جنان گلدی             صــفای گُلستان گلدی

صبا وئر  مژده زهرایه           بالان صاحب زمان گلدی

گَل  ای  فخر   زنان ، گلوب مهدی بالان

بسیط   عالمی  ، ائدیب رشگ  جنان

بیا مهدی بیا ، بیا مهدی بیا

با خون ماه دل آرایه                     گُل  زیبای  زهرایه

گونه بنزر جمالیندن                   وئروب دنیایه پیرایه

گُلِ   زیبادی    بو ، علی   سمادی    بو

گُل  رضوان  دَیور ، گل  زهرادی   بو

بیا مهدی بیا ، بیا مهدی بیا

گَل ای عالمللره سرور             گَل ای زهرایه غم پرور

ظهورون ایسته آلاهدان         سنی گوزلور بو عاشقلر

دوتوم گل دامنون  ،     گوروم لطفون سنون

هامی  با هم  دئسون ، کور اولسون دشمنون

بیا مهدی بیا ، بیا مهدی  بیا

شعراز : احد عدل جوی تبریزی

 

دوشوبدی سایه ظلمت جهانه یا مهدی                         دونوبدی شیعه لرین باغری قانه یا مهدی

فساد  و  ظلمیله  دنیا  اولوبدی  آکنده                          گل ائیله  چاره  بو درد  گرانه  یا  مهدی

شعراز : احد عدل جوی تبریزی

گله جاقدی

ای غملی کونول غم یئمه جانان گَلَجاقدی

درمانده لرین  دردینـه  درمان  گَلَجاقدی

بیرگون  اولا  جاخ  دلبرمین وصلی  میسر

گل صورتی چون مهر فروزان گلجاقدی

گل عارضی گون تک ائده جاخ عالمی روشن

اون دؤرت گئجه لیق آی کیمی تابان گلجاقدی

همچون گُل جنت دوتاجاخ  عالمی ،عطری

گُللر گوزلی گُل کیمی خندان گلجاقدی

دنیانی  منور  ایده جاخ  نور  جمالی

رحمت گویونه ماه درخشان گلجاقدی

آیدین سحری قورتارا جاخ ظلمت شبدن

گون تک ایده جاخ عالمی رخشان گلجاقدی

دیللر ایوینی  طور  تجلی  ائده جاقدی

عشقین ائوینه  شمع  شبستان گلجاقدی

عالم اولاجاخ طور ، تجلای روخوندان

دنیانی  ائده  روضه  رضوان  گلجاقدی

 نسیلن یئر اوزوندن کَسَجاخ ظلم و فسادین

دنیانی  ائده  صحن  گلستان گلجاقدی

دلبند علی ،  یوسف  زهرا  ، گل احمد

سلطان  همه  عالم  امکان  گلجاقدی

ای گوزلریم عاشق سن اگر،گورماقا یاری

باخ یولارا بیر گون اوسلیمان گلجاقدی

هر چند که هجران غمی مشگل اولی صبرا ئت

بیر گون وئره جاخ بو غمه پایان گلجاقدی

آز آه و  فغان  ائیله  دئیون  بلبل عشقه

گُللر آچا جاخ  فصل  بهاران گلجاقدی

جانا  بو  قدر  ائتمه فغان دردین الیندن

هر درده دوا ، الده او لقمان گلجاقدی

غم ائیلمه چوخ گلماقینا واردی یقینیم

 چون وعده وئریب خالق سبحان ، گلجاقدی

ایّوبه دی یون  آغلاماسین ، موسم هجران

باشه  یتیشوب  یوسف  کنعان  گلجاقدی

ساقی دئنه هر مست می  و  باده  عشقه

جام  الده  شه  باده  پرستان گلجاقدی

آز ائیله فغان « عدل جو » درد و غم الیندن

درمانده لرین  دردینه  درمان گلجـــاقدی

 شعراز : احد عدل جوی تبریزی

 

مصلح جهان

ای  یگانـه  مصلح دنیـا  و  دیـن  یابن الحسن

گل یولون گوز لور هامی اهل یقین یابن الحسن

ای هدایت چرخینون بیرنیّـر تابانی گل                

ای سریرِعزّت  و آزادگی سلطانی گل

گل گلن یولاروون تپراقنون قربانی  گل                  

ای امیدِ عترتِ حبل المتین ،‌ یابن الحسن

ای حریم مصطفایه یوسف  گل پیـرهن                

دولدوروب دنیانی یابن العسکری جور  وفتن

دم وورار چوخلار جهاندا ، صلحدن ، اصلاحدن                

گل ییغشدیرسون بساطین آن واین یابن الحسن

بیر مریض عشقه بنزر بوجهان جان اوسته دی                 

عالم اسلام یکسر ، کفر الیله ، خسته دی

روزی هر ذی حیات ، آخر سنه وابسته دی                 

ای الینده آفرینش ، بیر نگین ، یابن الحسن

انحرافه چکسه اسلامی ، اگر اهل ضلال                   

یوز وئرر قلب رسول اکرمه درد و ملال

 

اولما راضی جدّوون احکامی اولســون پایمال                 

ای سریر عزّته مسندنشین ، یابن الحسین

سن اوسلطان عظـــیم الشان سن ای شهریار                 

که ظهوروندان چکر بیراهل عـــالم  ، انتظار

دورایدرفوج مَلَک ، درگاهیوی ، پــــروانه وار                 

خاک بوس مقدمــون روح الامین ، یابن الحسین

دوزدی عُشّـا قین فراقوندا قالوب آغلارگوزی                  

دل اگر مسئول ئوزین بولسه دانیشماز هر سوزی

سرّ تأخــیرون ندور عالیم دی بیر الله ئوزی                   

نه بولر اخیار ، نه اهل یقیــــــن ، یابن الحسن

نا مسلمانـلار  وورار، اسلامـه هردم نیشخند                    

سنگدل لر نـه تذکّر بیر قبول ائیلر، نه پند

پرده ی غیبت اوگول رخساره حایل تابه چنـد

تابکی مه یوزده قالسون ، آستین ، یابن الحسن

ای وجود نـازنینی عالـم خلقــــــتده تک                   

بیر دولانسون باشیوه ، دُور ایلوری ، دور فلک

کسب فیضه عرش اعلادن ، نزول ائیلر ، ملک                 

پای  بوسون حسرتی ، عرش برین ،  یابن الحسن

عالمین اصلاحینه ، گوزلر هامی ، عالـم سنی                 

آشنالر ده بـولر ، ئوز دردینـه ، محرم سنی

شیعه لر ، شا ها تانور ، مطلق ولیِّ دم ، سنی                

گَل قصاص آل کس هامی ظالیم الین یابن الحسن

سیّدی گـریاده سالسام کــربلا طوفـــانینی                  

دولدورار حتماً  ، سرشکیله ، آنـان دامانینی

گل اَلون قربانی آل جدّون حسینون قانینی                    

عدلیله دولسون هامی روی زمیـن ، یابن الحسن

سیّدی حیراندی عالم جدّیون تمکـــینینه                    

اولمادی بیرکس ائده اقدام اونون تکفینینه

کوفه دن ، اوچ گون صورا ، تکفینینه ، تدفیننه                

گلدی اعجازیله ، فخرالسّاجدین ، یابن الحسن

گوزلرون قربانی ، طول اولدی ، زمـــان انتظار              

تا به کی ، احبابون اولسون هجرالینده بی قرار

صدرزهرانـــــین شفاسـین ، ای ولی کردگار               

ذوالفقارونده  قویوب ، خلق آفرین ، یابن الحسن

سیّدی سنسیز بودنیانین یوزی گولسون محال               

بو امیدیله یولون گوزلر ، سنون ، اهل کمال

انتقام حضــرت زهـــرانی گَل ، دشمندن  آل

ظلمونون گورسون جزاسین اهل کین­یابن الحسن

سیّدی نچّــه جهتدن من مریضم ، یوخ سوزوم

بو بلالرده ، صفالر وار ، بونی ، بولّم ئـــــوزوم

چون ولیّ نعمتیم سنسن ،  الونده وارگـوزوم

خدمتین «خوندل» بولر ناقص همین، یابن الحسن

     شاعر  : مرحوم حاج حیدر خوندل

 

استعانت از امام زمان ( عج ) ا…

طلوع ائت مشرق اسلامدن ای نیّر اعظم                                       

وور انوارِ جلالیه بسیط عالمه پرچم

ئوزون گل نوروویله ظلمت کفری ائله زایل                                   

آلا،تا برق ایماندان دل وجان بنی آدم

اولان ای گل وجودی عَیبهُ العلمِ خداوندی                                

ظهورِ علموویله دهره سال بانکِ اَناَالاعلم

اولان ای گُل یوزی آئینه  آئین پیغمبر                                 

گل اولسون منکسرآئین زردشتی وجام جم

مُسخّرقیل جهانی نامو وه وور سکهدولت                                  

وجودی ، ای وصیّ خـاتم پیغمبر ، خاتم

جهاندور ریزه خوارون سفرهاحسانی فرش ائیله                 

گوروب احسانوی حسرتله حسرت ائیلسون حاتم

جمالون نوری نورچشم دور هر محــرم عشقه                        

وورار بیرمهرکوری چشمینه هرکور نا محرم

گل ای روشنگرعالم جهالت دوتدی دنیانی                          

ئوزون گل مشتِ دانش وور،سرِ نابخرده محکم

 

اولوب بدعتگذاران قدرتیله ، نظم دین ،برهم                 

گل ای دین ناظمی بدعتگذاران نظمین ائت درهم

ساتوپ دنیایه بو دل مرده لر قرآن و اسلامی                     

بو اُلموش ملتّه وور بانگ «قوموا» ای مسیحادم

دوتوبدور ظلم دنیانی عدالتدن خبر یوخدور                       

عدالت پرچمین گل آچ ئوزون ای سیّد عــالم

رژیم چارپایان حکمفرمادور مجامع ده                            

ئوزون گل ائیله بو وحشیگری تشکیلینی برهم

 ترقّیخواه اولانلار بیخبردور عار و غیرتدن                          

بهائم تک یاشار ، امّا ترقّیدن وورار ، چـوخ دم

ائدربعضی ترقّی جو غزال عصمتین آزاد                            

غزاله هرخطر یوز وئرسه ابرویه یئتیرمَز ، خم

ائله تعلیم ائدبدور ئوز غزال عصمتین،بدبخت                

که مین صیّاد اونی صیدایتماقا قصدائتسه ائتْمَز، رَم

ترقی بئیله اولسا ، بوترقّی واژگون اولسون                        

مگــــــــراهل ترقّی غیرت دینین دوتار مبهم

ترقّی یعنی انسانی ترقّی ، ضــــدّ حیوانی                        

گوزل راق دورترقّی گر تدیونله اولا  تـــــو ام

یاشار بیدین ، ترقّی ائیلینلر اشتباه  اوسته                         

اولار بیدین ترقّی گرده  وحشت وحشته مدغم

ترقی یعنی مخلوقه شریک درد و غم اولماق                      

نه چون اعضاء همدیگردیلـــــر نوع  بنی آدم                                          

اورکلرقانه دوندی ای حسین قانین آلان تئزگل                  

اماندور قویما قالسون یئرده بوقان ای شه افخم

دگل انسان ، دگل آدم ، او که سیرحیاتینده                 

گورر هم نوعینی غمگین ئوزی شادان یاشار بی غم

ئوزون گل ملّت اسلام و قرآنه ترقّی وئـــر                          

بو اهل دینه وئر شخصیّت ، ای شخصیّت عالم

ئوزون گل بوترقّی جو لره درس ترقّی وئر                           

امام مهدی غایب  ، ترقّی جولــــــــره اقدم

ئوزون گل بوجهانه نشرقیل معنای قرآنی                           

عَلَم ، ئوزقامتین ، قویمـا ائده  هر فرد لا یعلم

اوکس که رأیی جه تفسیرائدر قرآنی عالمده                        

اونون اطرافیانی ، بوینونی  وور ، تیغیله با هم

اولار که عترت و قرآنی عالمده دوتار آیری                          

اولاردی منکر آیات و اخباری دانــان ، از دم

ائدوبدور شیعه باغرین تهمت بیگانه لر خونین                      

بوزخم دللره ای آشنا گل سال ئوزون مـرهم

صفا وئر ای صفای عالمین هرقان اولان قلبه                        

جمال شیعیه وئر آبرو ،  ای مفـــــخر زمزم

بهاءِ بی بها اتباعینی نابود و محـو ائیله                             

ئوزون گل باغلا بابی بابینی وور قفل مستحکم

اورکلرقانه دوندی ای حسین قانین آلان تئزگل                  

اماندور قویما قالسون یئرده بوقان ای شه افخم

گل ای آغلارگوزون قربانی آل ئوزجدیوین قانین یاشا

بیرگُل کیمی،گول شاد وخندان،چک نفس،ووردم

عزای شهسوار کربلانی یئریوزوندن ییـــغ                        

دَرِآل ابوسفیانه وور دور پرچم ماتم

گنه شوره گلن باشیم هوای وصل یار ائیلـر                       

هوای وصل یاریله ئوزین غمـــدن کنار ائیلــر

سروش وحدتیمدن گوش هوشه بو ندا گَلدی                     

که یزدان نیمه شعباندا لطفین ،  آشکار ائیلــر

اولار فجر رجا جیب افقدن برملا  ظــــاهر                        

هامی نومیــد دن یأسی آلار امّید وار ائیلـــر

که یعنی حجّت ابن العسگری صاحب زمان مهدی                

بو دنیایه گلن گوندور بو گفتارین کرار ایلـــر

اوبیرمولود دورسامّره ده گلدی بو دنیــایه                          

اونون نوریله سامرّا ،‌  جهانی ،   نور بار ائیلــر

آتاسی بومحمّددور آناسی حضرت نرگس                            

باباسی احمد مرسَل اوختم هشت و چار ائیلر

اصولاًشاخهگلدن وئرر باش هرگل نرگس                            

بوگل دین نرگسیندن ئوز جمالین آشکار ائیلر

همیشه جانب شهدن مُبَرهَندور گلر عسگر                     

و لیکن عسکریدن جلوه ، بو شاه کبار ائیلر

یاشارحاضرده سکّیز ایل ، آتائیله ،  آنائیله                         

آتاسیدان صــــورا دنیاده  غیبت اختیار  ائیلر

گَزَرمین حسرتیله پرده غیبتده مین لر   ایل                      

باخارهی ذوالفقاره گوزیاشین گوزدن نثـارائیلر

وئیرر صیقل مُداوِم  ذوالفقارِ تیز و  برّ ا نـه                        

باخار آغلار گوزیــله کربلایــه ، آه وزار ، ائیلر

دییَرقالدی الهی یئرده آخر جدّیمین قانی                              

مـــنی بو ماجرای غمفزا چوخ بیقرار ائیلر                   

توکرگوزیاشینی حقدن ظهورین دمبدم ایستر                          

اوقانــی آلماقا چوخ آرزو،اول شهریار ائیلر                         

الهی وئر اجازه حضرت صاحب زمان گلسون                        

جهان ناامن دورجان جهان روح اَمان گلسون                        

یوزین ای طلعت دین ابر غیبتدن کنار ائیله                        

دوتوب ظلمت جهانی نوریـــویله نور بار ائیله                      

اوقدری قالمری دین باغینه باد خزان اسسین                  

گل ای دین صاحبی دین گلستانین نو بهار ائیله                 

اورکلر قانه دوندی گلدی بدعت بدعت اوستوندن               

یئتیش امداده بو بدعتـــلری گل تار ومار ائیله                   

یاتوبدور امّت قرآن قالوبدور خواب غفلتده                    

بوقرآن اهلینی هوشه گتور ، بیر هوشیـار ائیله

یولوندا منتظردور شیعه لـــر چوخ انتظاریــله                     

ئوزون ای مُنتَظرگل اختتـام انتظار ائیله                     

جهالت قدرتی ائیلر حکومت سطح دنیاده                     

ئوزون گل یئر یوزین ده گوهر دانش نثار ائیله                     

اجانب دائماً قرآنیانی خوار و زار ایستر               

ئوزون گل­مسلمینی خوارائدن­اشخاصی خوارائیله                

تَجَمُّل آرتوب ، از بس آلدی دللردن ،  تجلاّنی                    

تجلّی بخش عالم ، گل تجلّی ،  آشکار ،   ائیله

هره بیر یول دوتوبدور ظالمانه عدل فرض ائیلر                    

بیله ظالم لری الدور جحیمه ، رهسپار ،  ائیله

فسادیله دولوبدور یئریوزی یاغیره الرَّحمن                         

فسادی یئریوزوندن ییغ صلاحی استوار ، ائیله

عدالت یوخدی دولورموش جنایت سطح دنیانی                  

گل ای شاه   عدالت جو ،  عدالت بَرقرار ، ائیله

شماتتدن یانوب تاکی اورکلر زخمدار اولسون                      

ئوزون لطفاً ، مــــداوای قلوب زخمدار ، ائیله

اولوب دینی مجالس خالی امّا فسق ائوی مَملوّ                   

جماعت چخدی یولدان یولاری گل راهوار ائیله

چخوب بیرعدّه تحریف ائیلیـور احکام   قرآنی                   

اوقومی طعمـه شمشیر  تیـز  و  آبـدار ،   ائیله

گوزی یولدا نقدر  آغلار گوزیله شیعه لر یانسون               

الونله پاک خونین ،  اشگِ چشمِ اشگ ، بار ائیله

دوزاق تا کی ، شهیدان وفا ، قانی قالا  ،  یئرده                

گل آل بوقانلاری ، اعدانـی تـیره ، روزگار ، ائیله

بیزی بی صاحب ائیلر ، حساب اهلی،شماتت لر                

بیزه گل صاحب  اول شا ها  قرین  افتخار ، ائیله

حقیقی مُنْتَقم گل آل ئوزون ئوزجدّیوین قانین                 

دل مجروح زهرا دن  ، بیر آز ، کسر شرار ، ائیله

ئوزون آماده ائیلـه ( تائبا )  بیـر پاک  قلـبیله                  

ولیعصر آدین ، اوندان صورا ، دلده  شعــار ائیله

شعـارپوچ بی علم وعمل هرگـز ثمـر  وئـرمـز                   

معاصیدن اوزاق دوش ئوز ئوزین پرهیز کار ائیله

گلنده حضرت صاحب زمانون شرمسار ، اولمـا

آچیق آنیلّه سن درک حضـــور شــهریار ائیله             

 شاعر  :  حاج صادق المتخلّص(تائب)

 

استغاثه حضرت مهدی قائم آل محمددن(ص)

قائم آل محمد شــــه عالی فریمیز گل

وارث احمد امجد ، ای گوزل رهبریمیزگل

شه عالی فریمیز گل، با وفا سروریمیز گل

شیعه لر قالدیلار باشسیزای گوزل رهبریمیز گل

شیعنون جانی سنون تک شه عالی فره قربان

بیر جهان ســرور عالم بئله بیر سروره قربان

رهبران هامی دوران سن کیمین رهبره قربان

              ئوزی منصور و موید مه سمین بریمیز گل 

درد هجـــرانوویلن نه گئجه نه گوندوزوموز وار

سوزلیدور سوزلی ئورکلر سنه گیزلین سوزموزوار

یولــووی گوزلوری گوزلر یولدا دائم گوزوموز وار

                     ای وفادار مسدد درد آلان دلبریمیز گل

سن کیمی  دهریده   بیر   مصلح  کلّ  ملل   اولماز

یوسف فاطمه  ،   هرگز سنه  ،    شبه و بدل  اولماز

چوخ گوزل واردی بو آفاقیده سن تک گوزل اولماز

            مهدی  آل   محمد   ،  دل آلان  دلبریمیز  گل

شیعه لر قالدیلا باشسیزای گوزل رهبریمیزگل

قالمیوب شیعه لرین دلده داخی صبرو قراری

انتظارونلا  نه  قـدری  ائلی یاق  روز  شماری

یا نه  انـــدازه  چکاخ حسرت دیدار  نگاری

                عشقوه دل دی مقید ای نشاط آوریمیز گل

بولوروق سن ایده سن ترک سفر جمعه گونونده

صبح گـــاهان ایده روق مدنظر جمعه گونونده

گوزلوری اهل ولایت سنی هر جمعه گونونده

         باشدا بیر جیش مجند فاخر و مفخر یمیمزگل

اب وجدّون شرفادی خلف پاک خلف سن

فخر آباء  سلف سن ، وارث شاه نجف سن

جوهر ذات ادبسن شرح معنای شرف سن

                 غیبتی اولان ممتد پربها گوهریمیز گل            

سرو ،  قدون کیمی بیر سرو  سمنبار تاپولماز

گولِ حسنون کیمی بیر   زینت گلزار تاپولماز

چوخ قزل گول اولی سن تک یوزی گلناری تاپیلماز

              ای یوزی وردِ مورّد گول خوش عنبریمیز گل

ائتموسن الفت اوزون سیر بیابانیله مولا

آناوی دیلده گزرسن دل سوزانیله مولا

سسلوری شیعه سنی دیده گریانیله مولا

             غیبتون اولدی ممدد یولدادی گوزلریمیز گل

سن بیاباندا ، بیز ائوده ، سنون احوالووه یانوق

دوشوب آردونجا دولانوق نه یورللوق نه دایانوق

گلسن ای  شمع  وفا   باشوه  عشقیله    دولانق

       ای اولان عشقه مفرّد شه خوش منظریمیز گل

نقدر وار سنیله وادی حیرتده دولانماق

منتظر حالیله بو عالم حسرتده دولانماق

شمع دینه نه روا پرده غیبتده دولانماق

                 ای اولان غیبتی سرمد قائد عنبریمیز گل

گه سالورسان ئوز آنان فاطمه نین حالینی یاده

گلسون مــدفن پاکینده اونون شیون  و  داده

گه بقیعه گئدوسن ، غم وئروری  صبروی   باده

                    آتش آهی ممدّ شه دین پروریمیز گل

گه سالورسان یولــــوی بادیه کرب و بلایه

دوشنوب مرقــــد ششگوشه شاه  شهدایه

گلسون اوردا سن آغلار گوزیلن شور و  نوایه

  آخرین وارث احمد ، حجت داوریمیز گل

 شاعر :  تائب تبریزی

 

میلاد مسعودحضرت ولّی عصر(عج)

بوگون بیــرعید اعظمدور صبا وئر مژده  زهرایه

دئ ، اوغلون حجّت قائــم ،قدم قویدی بودنیایه

ازل بو اهل اســـلامین دلینجه عرض تبریک ائت                    صـــورا سوئیله که ای محبوبـه ذات حیّ یکتایـه

سپهــر فضلسن عالمـــده جانلار شانـوه قربـان                     سزا دور افتخـــار ائتسین همیشـه چرخ میـنایه

سالوب اولدوزلارون شعله جهانه شمع رخشان تک

یانالّار لیک سونمــــزلر بولار مشعلـدی عقبـایه

اودم که ایسته دی وئــرسون جهانه زینت و زیـور                   یاراتـدی حق سنی گنجینه ، اون بیـــر دُرّ زیبایه

او اون بیـر گوهر شبتابیــــله دنیـا تاپوب زینت                       اولار معنـاده پیر ایش وئروب بـو سطح غـــبرایه

اونی گلمشدی دنیایــــه قالوردی بیر دُر رخشان                      اودا گلــــدی جهانه خلق یئتدی فیض عظمـایه

اولوبدور قائـــــــم آل محمد گون کیمی طـالع                             رُخ پرتو فشـانینــــدن وئرو بدور جلـوه دنیایـه

ائلـــه بیرگل آچیلدی گلشنونده ای گل طـاها                       ووُرارمین طعنـه عطری گلشـن فردوس اعلایـه

نه گل بیر هیکل توحیـد دور  مریم گَلَه ای کاش                     گوره بودم وئرو بــــدور عالـم معناده عیسایـه

ائله گولدور بوگول یکسر جهانی چولقیوب عطری                       تماشا  ائیلیین  دویمـــور  ئورونده  گل  تماشایه

ولی یا فاطمه گلسـن گـــــذارون کربلادن سال                        حسینــــه وئر خبر ای صبرائدن هر ظلم وایذایه

بویور یاتما حسینیـــم ، انتقامـون دورآلان گلدی                      گوزل قـانون قالا یئـــرده بومشکلدور او مولایـه

تشیع عالمینـده وار بــوگون بیرئوزگه احساسات                        صدای البشـاره  اوج  ائــدر  یئـــــردن  ثـریایه

جهانـه سس دوشوب یکسرگلون صاحب زمان گلدی                     اوجالدی پرچم اسلام ، آرتدی دینه پیــــــــرایه

امام منتقـم دور بو آلان ئوز جدّینـون  قانیـــــن                              بو مـــولا دور سالان لرزه جهانـــدا  قلب  اعدایه

بومــــــهر عالم آرادور گون اوندان کسب نورائیلر                          بو بیــــــر گنجینه عزّتـدی عالمـده گرانمـایـه

بوبیـــر شمع شبستاندور سالان عالملـره شعله                         هامی جانلاردی پروانه  جهانـــــدا  بودیل آرایه

بوبیر عنبـــــر فشان گولدور تماماً گل لره مفخر                           بو بیـر سـرو دلارا دور سـالار عالملــــره سایه

بو بیـــــر ماه درخشاندور گزر گرچه بولود ایچره                          ولیـکن حکـــــم فرمـا دور یئره خلقه گونه آیه

بوحجتددور اولان قائـم گــزن چوللّرده سرگردان                  سالان سوز و غـــمی هرآن شراره کوه و صحرایه

بو  شه چوخ جدینون آخر وداعین یاد ائدوب آغلار                  دییــر جدّا وئــرر بو غـم قرارو صبری یغــمایه

اودم که آیریلــیردون سن گوزی یاشلو حرملردن                    دوتوبــــلار دامنون قیزلار توکوبلر اشگ سیمایه

ره حقدن اوگون جدّا رُقیه ن دن ال اوزدون ســن                      دالو نجــا قـالدی آهوتـــک مَلَر تُف بیله دنیایه

ئوزونــــده آیریلا نموردون اودُردانه اوشاقلاردان                          او حالیـــله  وئـــرردون  سن تسلّی آل  طاهایه

منی قان آغــلادار هرآن عمّم زینبــــون حالی                            آنام زهــــراکیمی دوشدی باشی عالمده غوغایه

امام منتظر باب کرمـــدور درگهون خلقـه                                  اودور که« اعظمی »درگاهوه گلـدی تمنّایـه

هانی منــده لیاقت اولمـا قا  نوکر شه  دینه                             ولی فخر ائیلــرم من خادم  اولسام امّ لیلایه

 شاعر :  مرحوم اعظمی تبریزی

میلاد مسعود حضرت صاحب الزمان (عج)

سزادور مژده وئرسین پیک حق جنّتده زهرایه

که ای خاتون محشر قائم اوغلون گلدی دنیایه

اونون یمن قدومیندن جهان طرفه گلستاندور                        وئروبلرسس سسه مدحینده بُلبُلرغزلخواندور

غیاباًچشم روشن عرض ائدور شیعه خراماندور

یئره گلسون سماوات اهلی لایق دور تماشایه

نئجه  مولود ؟ تعریفــه زبانِ  بی زبان  ایستر                               که یعنی قدرت نطــق خدای لامـکان ایستر

دئماقدان دیل کتابیندان قلم عذرعیان ایستر

قضا مبهوت  و حیراندور، قدر بو ماه سیمایه

نئجه مولود؟آلارحسن وملاحت کشوریندن باج                            ائــــدرصبردل عشاقی فوج غمزه سی تاراج

اونون مینـــلر عزیز مصر سهم عشقینه آماج

ووُرار پابند عشق کمتری طعنه زلیخایه

نئجه مولود؟هرگزمن دئمم بیرطفل ابجددور                           دئسم زیبنده دور سرمایه فخر اب و جد دور

هامی اوصافی تشبیه وجــودپاک احمد دور

بونو باوَه ن گلوب دیلدن گوزل یتدون تمنایه

سلام و تهنیت عرض ائیلیروخ بیزده بومولوده                            تشکر  بینهایت  ائیلــــیروخ  درگاه  معبوده

بیزی الله بومولودیلــــه نائل ائتدی مقصوده

بحمدالله یئتیشدوخ لطف حقدن فیض عظمایه

وورار کام  دل اهــل  ولا کامنجه گام  عالم                               عدالتله دولار عالـم  بساط ظلم  اولار بر هم

یئتر باشه مصیبت قورتولارغم ختم اولارماتم

دونر  دنیای  دونون رفعتی جنات  اعلایه

بودورمسرورائدن غمگین اولانلارقلب ناشادین                               بودورظلاّم عالمدن آلان مظلـــــوملردادین

بودور ویران ائدن اهل جفـــانون قصرآبادین

مُمیَّز دور تماماً خیر و شرّ و زشت و زیبایه

اگربایرامدی لیکن دوشدی صحبت ظلــم ظالمدن            سوزین­طرزین­دگیشیدیم منصرف اولدوم خیالیمدن

گوزوم بیرقاصد ایسترگوندره اشگ زلالیمدن

خبــر وئرسین بومولودین قدومین آل طاهایه

دئسون­ای­خوش گونه دنیاده حسرتله گوزوز روشن                  گورن دشمن اَلینــــدن چوخ اذیتلرگوزوز روشن

زبان حالیله عرض ائیــــــلور اُمتلرگوزوز روشن

گلوب خونخواه ، ای ناحق آخان قانلاری صحرایه

ستمله آیریــلانلار صاحب والادو  قارداشدان                                  اولونجه غصه دن آیریلمیانلار گوزلری یاشدان

یئتیشدی منتقم آچسونلا قاره معجری باشدان

   داخی گوزتیکمه سونلر انتقام صبر فرسایه

آچیلسون قلبی شاداولسون اورکدن زینب کبری                  یاخونلاشدی اوگون اولسون قصاص روز عـاشورا

جــــزایه  قاتل اکبر یئتیشسون  دلده  و اویلا

وئریلسون مژده سی غمکش آناسی امّ لیلایه

دولی گوزله سریّه نوعروسه هــــر باخان ساعت                   اشاقه­سالماسین باشین دوباره چکمه سین خجلت

یا خوندورکامه یئتسین قاســــم داماد مه طلعت

تا پا طوی  حجله سی داماد گلما قیله  پیرایه

ربابون آزقالور غمدن بلالی گوگلی دینجلسون                         یاخوندور آه  پیکانی نشانگاهه   دگوب دلسون

مقام  انتـــــقامه  بی مروّت  حرمله  گلسون

آلنسون اصغرون قانی ویریلسون تیغ او ترسایه

یاخوندور تابعان آل سفیان خوار و زار اولسون                           ابولفضلی خجالت ائیلینلر شـــرمساراولسون

آلنسون قانی دشمندن اوشاقلارکامگاراولسون

ملالی زایل اولسون  هر با خاندا تشنه سقّایه

شعر از : مرحوم حسین حافظی تبریزی

 

نه وار چمن گل آچوب لاله زاریدور بوگئجه

نه وار چمن گل آچوب لاله زاریدور بوگئجه

خزان عشق بیـزه نو بهاریدور  بو  گئجه

چمن گولورگل آچوب نسترن ، یا نورلاله

شرارعشقیله دیل بیر شراریدور بو گئجه

نه وارمگر قورموش شاخه لرجوانه وئروب

نـگارلطفی بیـزه آشکـار یدور بو گئجه 

نه خواب نازایدی  ساقی پیاله نی  گزدیر

فراق باشـه یئتوب وصل یاریدور بوگئجه

مشامینه  یئتیشوب  بوی گل  او دور بلبل

ئوزون هلاک ائدوری بیقراریدور بو گئجه

شمیم عشق یئتوب جان مشامینه یاران

که مـرغ سینه بئله کامـکاریدور  بو گئجه

جنون عشق اولان عاشقلره وئرون مژده

دیولّه بیزلره ده بخت یاریـدور  بو گئجه

ئوزون وئروب اودا یاندی کول اُلدی پروانه

قدوم دلبره جان خاکساریـدور  بو  گئجه

 

نوید وصل ائشیدوب شمع ، شوقیدن اریوب

وصال مژده سینون اشکباریدور بو گئجه

چالوربنفشه اوخور یاس رقص ائدور سوسن

که خلق آرا شب قدر اشتهاریدور بو گئجه

اوچو بـدی طائر دل ئوزگـه بیر هوائیلـه

نگـار مجلسینـه رهسپـاریـدور بوگئجه

نه من ، نه سن هـامی ذرات کائنـات،اونون

قـدوم پاکینه ، چشم انتظاریدور بوگئجه

دیولّه یـار  گلور رهگـذر لرین   بـَزیون

چیخون قباقه گلن شهریاریدور بوگئجه

سبیل اشک ائلییون یوللارین یوون گردین

سپون گلاب گلن گلعذاریدور  بو گئجه

سرشک چشمیله گوزکاسه سین ائدون لبریز

گویون ملک لری گوهر نثاریدور بو گئجه

آچـون نیاز الوزی حیّ بـی نیـازه   طرف

دعا ائدون که دعانین بهاریدور  بو گئجه

بیر آز مواظب  اولون آ گـه او لماسین  اغیار

سیزه گونوز ، اولارا لیل  تاریدور بو گئجه

عیار عشقوزی کامل  ائدون  صباحه  کیمی

ائدن محاسبه کامیل عیاریـدور بو گئجه

نوای  نایوزی محبـوس ائدون اورک لرده

آییلماسون او کی بی بند وباریدور بو گئجه

صبا  پیام  یئتیر « غمکش» ه  دئ بیچاره

یوبانما   لیله   قدر   نگاریدور   بو    گئجه                             

 

مرحوم عبداله رضایی(غمکش)

 

 

 

 

 

 

 

 

 

 

 

سرود میلاد حضرت ولی عصر آقا امام زمان(علیه السلام)

باخشون آهودان گوزل        دوداقلارون مخزن غزل

منیم پایمسان وئروب سنی      من اوچون رب لم یزل

داغیلا هر درد و ملالیم       گوله گوللر مثلی جمالیم

آلا گوز ایستکلی غزالیم             ننه  قربانون آغلاما

***************

قاشون اوخشور قلملره         یوزون طراوتلی بیر گوله

تلون دوشنده جمالیوه                قاریشور لاله سنبله

اولوب اشکون زلفوه ژاله    توکولوب گول مثلی جماله

ننه قربان هاشمی خاله                  ننه قربانون آغلاما

*****************

 

آچیلاندا گوزل گوزون        چمنده گوللر بوتون گولور

آخاندا اشکون جمالیوه         ائله بیل ژاله دور سوزور

اوتورور شبنم گولون اوسته

اگیلورگول سنبلون اوسته

توکولور غم بولبولون اوسته          ننه قربانون آغلاما

*****************

گوزلیم آغلیاندا سن           سسون سالور اود قراریمه

آخوب سرشکیم سنون کیمی       دوزولوللر عذاریمه

باشوی قوی سینمون اوسته

ئوزیوی چوخ ائیلمه خسته

ننه باخسون دیده مسته                ننه قربانون آغلاما

*****************

ال ایاق چالما آغلاما       صودایستوسن گل وئریم بالا

نه خسته سن نه عطش وارون

دوشه سن حالیدن حالا

یوزومه گول ،گوللنه گلشن     گله وجده لاله وسوسن

گوزوون قربانی اولوم من                ننه قربانون آغلاما

*****************

ولی اصغر سو ایچمه دی     سوزولدی صحرالره فرات

سه شعبه پیکانیلن آچوب    بوغازیندان قیزیل قنات

بوغازیندان چشمه له نیب قان

ننه سی زهرا دئدی جان جان

اولوب عالم یکسره گریان             ننه قربانون آغلاما

*****************

بوغازین گوردی اصغرین         اوجالدی نیزاریدن نوا

گئیندی قاره آناسی تک           او  بیــابان  کربــلا

قره یئل لرباشلادی ناله           یاسا باتدی غنچه ولاله

دولانوب قان رنگینه ژاله                ننه قربانون آغلاما

*****************

سو سیزیلتیلان آغلادی        سوسوز ئولن میهمانینه

اوخون یریندن دولاندا قان         قوریان گول دهانینه

 

باشا توپراق سپدیله داغلار

سارالیب سولدی هامی باغلار

اودی دائم شیعه لر آغلار               ننه قربانون آغلاما

شاعر: استاد غلامرضا هادی اردبیلی

 

سرود ولادت حضرت مهدی(عج)

نسیم اسدی باغ زهرادن              

عالمه عطر جانفزا گلدی

سولان گلشنلرآچوب گوللر 

روی دنیایه خوش صفا گلدی

گلور زهرانون امام اوغلی

علینون قائم مقام اوغلی

مقدمی دنیایه مبارکدی

ئوپوب نرجس چشم شهلاسین    

شوقیدن ناگه آخدی گوزیاشی    

 

اومولود پاک وزیبانی         

 لطف ائدوب الله اولدی پاداشی

سریب قونداقه پرین فطرس

اولدی اولدوزلارنقل وشاباشی

بواجلاله نوح وعیسادن            

عرش اعلادن مرحبا گلدی

گلور زهرانون امام اوغلی

علینون قائم مقام اوغلی

مقدمی دنیایه مبارکدی

چراغاندور نور سبحاندان      

باغ رضوان تک هرایکی دنیا

گلوبلر بوجشن میلاده                     

 آدم وحوا مریم وسارا

جلوس ائیلوب صدر مجلسده 

سینه سی یاره گولمین زهرا

اوجا بیر سس خلق اولوب ناگه 

عرش اعلادن بو  ندا  گلدی

گلور زهرانون امام اوغلی

علینون قائم مقام اوغلی

مقدمی دنیایه مبارکدی

بومولوده عرش وفرش اهلی  

 قائل اولدی چوخ حرمت وعزت

ملکلر گوگلرده سسلندی        

 قویدی الله یئر اهلینه منت

چیخوب زهرانون گونی گوگده

  توپراقا یاغدی بارش رحمت

یازیلدی گوگلرده بوجمله

  عالمه فخر ماسوا گلدی

گلور زهرانون امام اوغلی

علینون قائم مقام اوغلی

مقدمی دنیایه مبارکدی

ولی اصغر عالمه گلجک

         یثربین شهری عدنه دونموشدی

مهاجر قوشلار تک آل الله      

شهر بطحادن نیمه شب کوشدی

ربابین اصغر قوجاقینده      

  چیخمامیش قرخی چوللره دوشدی

گورون سیز دیل آچمیان دیلسیز

     چوللری گزدی تا هارا گلدی

نئچه گون بو تئز سوزن اولدوز

عرش محملده چولده گورسندی

چیخاندا گون گوزلرین آچدی

    گون باتانداکیپریکری اندی

 

غرض محمللرده چوللرده      

بعضی ایمالر گولمک اورگندی

تبسم ائتدیکجه لبلردن    

بوی ریحان دلگشا گلدی

گلور زهرانون امام اوغلی

علینون قائم مقام اوغلی

مــقدمی    دنیایه   مـبارکدی

چاتوب بیر گون باغلانوب یوللار 

  خیمیه ساری تشنه لبلر،  هـای

رباب آغوشه آلوب اوغلون

هی دئدی لایلای یات بالام لایلای

گهی لایلای یات گولوم لایلای

گه دئدی دیلسیز اصغریم ایوای

آلوب آغوشه سوسوز اوغلون

عرصیه اوغول هم آتا گلدی

گلور زهرانون امام اوغلی

علینون قائم مقام اوغلی

مقدمی دنیایه مبارکدی

آچوب یورقون گوزلرین نهره      

باخدی دقتله آهوی زیبا

یایور گوردی دشت وصحرایه       

مهر زهرانی بی وفا دریا

اوحالدا بیر ظلمه ال ووردی       

دشمن ارذل خصم بی پروا

گورن فکر ائتدی حسین الده

بیر گوزل قانلی پرهما گلدی

گلور زهرانون امام اوغلی

علینون قائم مقام اوغلی

مقدمی دنیایه مبارکدی

 شاعر: استاد غلامرضا هادی اردبیلی

 

امام زمان (عج)

سن  اسیر  اولما  کمند  سلطۀ  شیطانیده

آچ همای فکروی یوروقون قانادین بندیدن

ئوز توانون قدری سیر ائت سیرۀ سبحانیده

شرق و غرب و کُل عالم موریدن کمتر اولار

مختصر اندیشه ایتسون منطق یزدانیده

گوندریوب قانون قرآنه نچه آموزگار

تا بشر واقع  اولا  ارشادیلن غفرانیده

کَج گیدن کس رأفت اسلامیدن بهره آلوب

دامن دینه قیتسون فرصت جبرانیده

قانیلن  قرآنی  احیا  ایلیوبدور  اهل بیت

صدر  اعلایه  چاتوبلار  نشر الرحمانیده

ئوزلرین  طوفان  طغیانه  گرفتار ایلیوب

منجی  انسان اولوبلار  قورخولی طوفانیدن

چون  امامه حال  مرگیلن حیاطین فرقی یوخ

هاردا  شیعه  سسلنوب  حاضردیلر  بیر آنیده

قوتاروب  دنیاده  مأموریتن اون بیر امام

اون ایکمینجی امام عمر ایلیور پنهانیده

سایۀ لطفی همیشه اهل اسلام اوسته دی

سسلروک آدین اورکدن لحظۀ بحرانیده

سامرا شهرینده دنیایه گوز آچدی بو امام

سامرا  نوره  بوروندی  نیمۀ  شعبانیده

سینۀ نرجس اولوبدور شرق روی آفتاب

وئردی  مأوا آفتابه مغرب دامانیده

بو گُل نرجس یارانجاق قصد قتل ایتمیشدیلر

واقع اولموشدی بو زهرانون گُلی عداونیده

تحت ظّل عسگریده گون بگون رشد ایلیوب

چاتدی بش سنّه ولیکن خلقیدن کتمانیده

شربت  شهـد  شهـادتلن  امـام عسگری

وئردی جان سُکنا ایدوبدور جنّت جانانیده

جسمینه اولدی کفن تشییع ایدوب دفن ایتدیلر

اهل  بیتی  یاس  دوتوبلار  خانۀ  خوبانیده

اهل دل درک ائیلدی هانسی سوزی فاش ایتمدیم

ایلدیم  زینب  کیمی  پنهان  دل  لرزانیده

گون عزادار اولدی ،آی غمگین ، بلوطلار آغلادی

گورسنوب  آثار  محنت  عالم  امکانیده

نظم عالم  چون  امامیله  منظم  ساخلانور

آخرین  دانه  یئر  آلدی  شدّۀ  مرجانیده

مصدر حقدن  چاتوب  حکم امامت مهدیه

بئش  یاشیندا  اگلشوبدور  مسند  سلطانیده

غم دوتان یوزلر گُل آچدی جنتّین گلزاری تک

روح  قرآن  واقع  اولدی  علّم  القرآنیده

آخرین مأمور یزدان حکم آلوب اولدی امام

رکن  خلقت  ساکن  اولدی  اکمل  ارکانیده

قان نجه دائم گرگ پیکرده جریان ایلسون

جسم  عالمده امام اول قاندی که شریانیده

اولماسا  عصرین  امامی ذی حیات اولماز بشر

سایۀ  لطفی  گرگ  اولسون  سَرِ دورانیده

غیبت صغراسی باشلاندی اوگوندن یئتمیش ایل

طالع اولدی باتدی فوراً گون کیمی بیر آنیده

غیبت کبراسی امّا  محنت  عظما  اولوب

شیعه لر   آغلار  قالوبلار   تهمت  نادانیده

سالِ اوچ یوز یرمی دوقوزدان بو غیبت  باشلانوب

انتــــظار آثاری  قالمش  دیدۀ  گریانیده

شیعه لرآغلار گوزین تیکمیش گئجه گوندوزیولا

ساخلیوبلار  یئر گوز اوسته  هم  دل القانیده

مهدی یا مهدی آدی دیللرده واردور روز و شب

نوحـــه آهنگینـده  گاهی  ناله  و افغانیده

گاه  قرآن و دعا و ذکر لرده  سسلروک

گـه بُــکا  و  گـه نَوا  و  گاه خوش الحانیده

بیلمروک  الآن بقیع  یا کربـلاده  آغلیور

یا گـــزور شیعـه محالین کشـور ایرانیده

بلمروک محراب مسجدلرده یا هیئت ده دی

باش باشا وئرمیش و یا ایتامیله ویرانیده

نایبان خاص یتمش ئیلده اولدی دورت نفر

بو معّین  شخصلر  اولدی  بو  شهدن  با  خبر

اوّلی سعداوغلی عثمانیدی  نایب حضرته

حضرتین  فرمایشاتین  او  دییردی  امته

دومین  نایب  محمد ابن عثمان ذکریدور

خلق آرا اعمالی  چوخ  با منطق و خوش فکریدور

سومین  نایب که مأموریتی  چوخ  سختیدور

روح نوبخت اوغلیدورآدی حسن،خوش بختیدور

چارمین  شخصیکه  خاصه نایبیندن دور بیری

ثبت اولوب آدی علی بن محمد سیمیری

انتظارون گلشن  دللرده  هرگز  سولمیوب

آخرین  نایب  یرینده جانشینی اولمیوب

محرمیت  بیزده  یوخ  غایبدی  فخر روزگار

شیعه لر گُوزلَر ، قالوب گوزلر یولوندا انتظار

جان فدا اولسون  بو دینون  شاه عالم گردینه

هامّیدان  چوخ  گوزلری آغلار حسینون دردینه

گوزلری  یاشلی دییر جَّدا سنه  دل داغلارام

گوز یاشیم گوزدن  قوتارسا روز و شب قان آغلارام

یاده سالام سعدین اوغلی ویردی فرمان لشگره

کربلاده سو یولی سّد اولدی آل حیدره

یاده سالام  کوفیان  بی ادب کافرسیر

اولدولار که  اوستوه  مور و ملخ  تک حمله ور

معرفت  سر حّد  مرزین  ظلمیلن سندیردیلار

بوسه گاه حیدره نیزیله یاره ویردلار

یاد ایدوب اول وقتوی قلبیم دوشر غم چاهووه

گلدی بی صاحب آتون میدانیدن خرگاهووه

ذوالجناحی گورجگین بیکس لرون آغلاشدیلار

ذوالجناحه ساری اللّر باشدا یکسر قاشدیلار

با زبان  بی زبانی  ایله دی  داد وانین

عترت  پیغمبره  اعلام ائدوب ئولدی حسین

ذوالجناحین آلدیلار  دورین  بنات دیده تر

گوردیلر  قانه  باتوبدور واژگون اولمش اَیَر

ساشلارین رسم  عزائیله  پریشان  ائتدیلر

نا امیدانه  دوتوب یوز عرشه افغان ائتدیلر

جامۀ امیدی  دیلدن  آل عصمت  سویدولار

پاپیاده کــــربلا  میدانینه  یوز قویدولار

 شاعر : استادغلامرضا هادی اردبیلی

 

سرود ولادت امام زمان (عج)

ای  گوزلریم  طاقت گتور       باخ  یوللارا  یارون گلور

ای دل یورولما غصه دن         دوز درده دلدارون گلور

دوندرمه گـوزیاشون سئله

یـار  عشقینه  طاقت  ائله

گتمه  گوزوم   روءیالره     گوز  تیک  نگارین   راهینه

ائیله  دعا صبح  و مسا      بو عرش  عشقین  ماهینه

هجران آغارتدی باشلاری جاری ائدوب قان یاشلاری

مولا  دوشوب  یوسف کیمی ایللردی  هجران چاهینه

بیر گون بو ماهین فجری وار

دوز  منتظر  اول   اجری وار

دوزسون فراقه آی گوزوم     بو ایش سنه تمرین اولار

بی صبر و تاب  عاشقلرین       سیمالری غمگین اولار

باخ یوللارا  یار عطرین  آل      ائیـله  تجسم  گوزلره

یورقونلق احساس ایلسون کیپریکلرون سنگین اولار

هجران غمی  چوخ  سختیدور

کیم تاب ایدوب خوشبختیدور

 

ای دل چالشما قوش کیمی عاشق مأب اول صبر ائله

پیک ائیلیوب ئوزآهووی قوش  گونده یئل لردن یئله

عرض ائیله  یابن فاطمـه  یول  گوزلیـور  عاشقلرون

قویما سرای  صبـرینی   عاشقلـرون  وئرسون سئله

گلسون اورکلر شاد اولار

دنیـا  یوزی   آباد   اولار

یابن الحسن کوکو  کیمی  من  روز و شب   نالانووم

یول گوزلمک  یوردی منی تئز گل داخی قــربانوم

سن سیز  عدالت آغلیور  انصاف  اولوب خانه نشین

وجـدان  عـذاب   آلتندادی  مشتـاق  الرحمانووم

قرآنه گل امداد ائله

زندانیدور آزاد  ائله

 دیللر  همالر  بـالی  تک  قئید  جفایه   بسته دور

بیر گون بیزه امید اولان گور کیملره همدسته دور

سسلر  باتوبدور  سینه ده  مظلومه یوخ امداد ایدن

رحمی سالوبلار رسمیدن روحیه لر دای خسته دور

دیو  اگلشوب  دیوانیده

مظلوم  ایدوب  قرانیده

انسانیت  ماتم  دوتــــوب  بو درده وجدان آغلیور

حقی باتان  ایتــــام تک انصاف  اوزی  قان آغلیور

راهین آدیلان بعضی لر یولدان چیخوب چاهه دوشور

بو   غفلـته  بو  ذلتـه   حسرتلـه   قـرآن  آغلیور

سیمای دین باتمش غمه

دین   اگلشوبدور  ماتمه

 شاعر : استادغلامرضا هادی اردبیلی

 

استغاثه حضرت مهدی یه (عج)

هیچ قلبده قلبیمده اولان غلغله یوخدی

   بیر چاره من زار و پریشان دیله یوخدی

روحیم ائله جسمیمدن ائدوب ترک علاقه

                 گویا که داخی میل بو آب و گله یوخدی

دوتقون گویولی گلشن آچار گللر آچاندا

                  بولمم ندی گلزاریده میلیم  گوله یوخدی

یاریم ائله کاشانه ده منزل ائلیوبدی

              هیچ فکرو خیالین یولی اول منزله یوخدی

بیر یوسف گم گشته نین آواره سیم من

                      کاشانه صبریم تالانوب حوصله یوخدی

بیر دامه سالوب سلسله زلف کمالی

                    عالمده ائله دامه سالان سلسله یوخدی

بیر یار سفر کرده گرفتاریم آخر

             دردیم اودی اوندان صورا بیر مسئله یوخدی

آخر نه قدر من سوروشوم قافله لردن

                   آیا نه خبر واردی دئسونلر هله یوخدی

بیر عمردی حسرت گوزومی یوللاراتیکدیم

                  هر قافله گیچدی او اولان قافله یوخدی

عاشق اولاسان یاره الون چاتمیا هرگز

                 عاشق لره بونداندا چتین مرحله یوخدی

اما بو گلایه اوزوموزدن گرگ اولسون

                 یوخسا او گوزل صاحبیمیزدن گله یوخدی

یاریله عمللر آرادا فاصله سالمیش

                   یوخسا آرامیزدا ائله بیر فاصله یوخدی

نیلوم عملیم اولماسادا عاشقی یم من

                       بو عشقده آرامیشیم افکاریله یوخدی

عالمده گنهکار مگر عاشق اولانماز

                    بو باره ده که جای مذمت دیله یوخدی

بیز هیچ، آناون خاطرینه گل بیزه باش چک

                 زهرا آدی گلسه داخی بیر مسئله یوخدی

گل سود امرین قانینی آل خسته ربابین

                       قلبینده توانی بو قدر نسگیله یوخدی

((زرین قلم)) عاجز دی گوزل یازماقا اما

         بو مسئله لر عابدیله خوندله یوخدی           

            شاعر : حاج حمید زرین قلم تبریزی

 

یوسف زهرا فراقینده

سن کیمی یابن الحسن عشقیده سلطان اولماز

سن کیمی دیل لری تسخیر ائدن انسان اولماز

احسن الخـــــالقین احسن یارادوب انصافا

             سن گوزل لیکده نه حوری نده غلمان اولماز

سن جلالتده محافلده مجلل دلدار

                    سن لطافتده گلستاندا دا ریحان اولماز

حشمت و حکمتوین یوخ بیلورم مانندی

                    سنه همتا نه سلیمان نه ده لقمان اولماز

سنه عاشق اولان عاشقده دل و جان قالماز

              سنه جان بذل ائدن عالمده پیشمان اولماز

 

بیقرار ائیلیین عاشقلــــری هجرانوندی

      چونکه هجران غمی تک هیچ غم سوزان  اولماز

سن ظهور ائیلمه سون ظلم و ستم باشدان آشار

          شـــرع پیغمبره قـــدرتلی نگهبان اولماز

سن ظهور ایستون اولار حضرت زهرا خوشحال

    داهی غم غصه گلوب قلبینه مهمان اولماز

سن ظهور ایتسون اولار مرقد زهـــرا معلوم

             شیعه نین قلبی بو اندازه ده شان شان اولماز        

شاعر :  امین کاظمی

 

استغاثه به حضرت امام زمان  

قربان اولوم او قامته یا صاحب الزمان

دوندی زمانه ظلمته  یا صاحب الزمان

ای ماه مشرقین بو قدر قالما پرده ده

                        دوندی زمانه ظلمته یا صاحب الزمان

اونبیر امام وارثی ای نور مصطفا

                       هجران یئتوب نهایته یا صاحب الزمان

گلزار دینه ائیله نظاره ترحم ائت

                  گلچین گلوبدی غارته یا صاحب الزمان           

عصر، حسین کیمی قالوب اسلام بی پناه

                        محتاجیدور حمایته یا صاحب الزمان

 

اسلامیانی بی کس و بی یار گوردی چون

                     دشمن گلوب جسارته  یا صاحب الزمان

آل ذوالفقارووی  اله ای داد خواهیمیز

  سال اشقیانی وحشته یا صاحب الزمان

ایسدولّه پایمال ائده لر دین احمدی

                      دشمنده باخ عداوته یا صاحب الزمان

دنیانی دولدورب ستم و جور ظالمان

گورنه گلوبله جراته یا صاحب الزمان

طولانی اولدی بسکه سنون غیبتون آقا

شیعه قالوب شماتته یا صاحب الزمان

سویلوله بس هایاندادی قدرتلی سروروز

                   گلسون سیزه حمایته یا صاحب الزمان

ای فاطمه عزیزی قوتار طعنه دن بیزی

                           وئر خاتمه بوفرقته یا صاحب الزمان

مظلوملر قصاصینی ظالمدن آل آقا

  دوندور جهانی جنته یا صاحب الزمان

((اقبالی)) انتظار دادی گورسون جمالوی

باخسین او حسن صورته یا صاحب الزمان 

 شاعر : مرحوم اقبالی زنجانی

 

توسل به حضرت ولی عصر (عج)

ای   ما   خلقین  علت ایجاد وجودی

ذرّیه طـاهـا  و  علی  منبع   جودی

احسان ائله گل پرده غیبتده دایانما

جانلار سنه قربان اولا چوللرده دولانما

انصافیدی قول ایتمیه مولانی زیارت

آیا  دگی دنیا  بویی  اسباب  خجالت

بو قدرده هجران اولی ای کان کرامت

بو آیرلقی لطف ائله قیل وصله مبدل

قربان او گلن یوللارا یاسیدی تئزگل

سن پرده غیبتده پریشان گئجه گوندوز

بیزده شرر هجریله سوزان گئجه گوندوز

اولماق نه روا بیربئله گریان گئجه گوندوز

                    احساس ائله احوالمیزی گوز یاشمیزدان

کسمه   بوقدر سایه  لطفون  باشمزدان

دللرده مصیبت گله موجه داشـا قــویما

طوفان ائده سیلاب اولا باشدان آشا قویما

ای  نوح  حقیقی  بیزیلن باش  باشا  قویما

               گل دوت المیزدن بیزی چک ساحله ساری

                  اول  واسطــه  الله  آراسندا  سنی   تاری

سوز یوخ او که بیزده مسلمانه گرکدی

واقف دگـولوخ هر نه که ایمانه گرکدی

عامل دگـولوخ بیز اوکه قرآنه گرکدی

 

      وابستــه سیز آل اللهه بیز اولموشق اما

    سیزدن  اولاجاق حـل اگر اولسا بو معما

تقصیریمیزی عفوائلـه  پیغمبره  خاطر

نادیده حساب ائیله آتان حیدره خاطر

صدیقـه کبریِ اَلَـــــم پروره خاطر

           باشسیز بیزی گل قویما داخی بوندان علاوه

           قطع ائیله او دیللر که دی یر عمـریجه یاوه 

شایسته دی گول پرپر اولا خارین الینده

اسلام  اولا  ملعـــــبه  کفارین الینده

دین اهلی  دوشه  ذلّته  اشرارین  الینده

                        نه رحم ایده لر طفل صغیره نه کبیره

                       نه پیـــر و جوانه نه قتیله نه اسیره

کفارین آدی  مسلم  اولــوب  آلت  دستی

احـراره جری  ائیلوری  هر  ارذل  و  پستی

دینون دئموری قائمی وار یوخدی شکستی

                  بیر نئچه  شرارت یوکی بدنام  ایاقدا

                         گـویا گوروری هامی اسلامی اوزاقدا

آگه سن ئوزون حاجتی یوخ شرح و بیانین

مینلرجه مسلمان دی گلن پیرو و جوانین

ناحق یئره دشمن توکوری سوکیمی قانین

             دل یوخدی که داغ اولمیا غم دللری داغلار

            قربان گوزووه   قالدی    رعیتــلرون  آغلار

ملک و طنین مرزی دونوب کرب و بلایه

تبدیل اولوری گونده نئچه طویلار عزایه

مهمان ائله منت قوی ئوزون خیر دعایه

            فتنه یارادانـلار هاموسی ریشه کن اولسون

          رونق تاپوپ اسلام دونوب سن سون اولسون

اسلام  اتگینـدن  کس  الین  اهل  جفانین

سیندیر قوشونون کافر بی شرم و حیانین

شمشیریله آچ باغلی یولون کرب و بلانین

              گئتسین او مزار اوسته جوان اوغلی ئولنلر

                لیلا دیلیجه سویله سین ای و ای علی اکبر

ای « حافظ » ینون حافظی  هر آینه دمده

سندندی کمک  لیق  منه   گفتار و  قلمده

واردور گوزی مریمجه گوزل دست کرمده

 هرکیم منیلن وار اونادا لطف و کرم قیل

هر تک تکینون آدینی دفترده رقم قیل

 شاعر : مرحوم حافظ قرآنی تبریزی

 

ولادت با سعادت ولی عصر (عج)

تا تجلـــــی دل شبده مه تابان ائله دی

گون کیمی عالم ظلماتی درخشان ائله دی

صبح صادقده وئروب باش گورونوب آیت نور

نه ایشیق ،  لمعه نور ازلی ائتــــدی ظهور

وجهی وجه اللهی دنیانی ائـدوب وادی طور

طوری عینآ رخ پرنوری نمایان ائله دی

برج عصمتدن اولوب طــالع او  نور ازلی

مطلعــی کعبه دل لامع  موســی مثلی

ئوز ولیسین بو جهانه گتوروب قدرت الی

عالمه لطفینی شـامل حق منان ائله دی

رحمتین عالمه خلاق جهان نازل ائدوب

تازه مولوده گوره نعمتینی کامل  ائدوب

گلوب ادیانی بو سبط نبوی باطل ایدوب

ملل عالمه ئــوز حقینی اعلان ائله دی

نجه مولود و جاهتده یوزی شمس ضحا

طلعت پاکی دل شبده سالوب ضوء ضیا

قدم میمنتی عالــمه  آرتیــردی صفا

با صفــا عرصه گیتینی همان آن ائله دی

عارض انورینه جلوه رخسارینه باخ

تابش صورتینــه پرتو انوارینه باخ

نرگس مستنه باخ طره طرارینه باخ

حسنونه غبطه بونون یوسف کنعان ائله دی

گورنجه درّ ایدی دریای محبت صدفی

درّ نابین صدفی عفت و عصمت شرفی

فاطمه بند  دلی شیر خدانیــن خلفی

مقدم پاکی بو دنیانی گلستان ائله دی

نئجه گول عطری بیرعالم دولوسی نکهتی وار

هانسی گولــدور بو صفاسی بیله کیفیتی وار

خلدیده نرگس بو غنچه گولــون صحبتی وار

آرزو عطرینی بو عالم امــکان ائله دی

حسن گلفامینه باخ قامت طوباسینه باخ

خم ابروسینه باخ دیـده  شهلاسینه باخ

هاشمی خالینه باخ صورت  زیباسنه  باخ

حسنونه هر گوزلی واله و حیران ائله دی

 

گول دئسم گولده بو نکهت بو لطافت اولماز

تازه بیر غنچه نین عطریـله بو عالم  دولماز

گل سولاربش گونی بو نرگس گلدور سولماز

عطری دنیانی اودور خرم خندان ایلدی

هادیدی حجت  قائمــدی حقه مظهر ذات

منتظــر مهــدی  ملقبدی جمالی لمعات

صاحب عصریدی خاتمدی بو عالی درجات

منتقیم اهل جفایه حق سبحان ایلدی

تا قــــدم عالم امکانه قویوب منبع جود

ائیله دی حضرت معبودینه شوقیله سجود

دل آچوب راز و نیازه دئدی ای حی و دود

ذکرینی انجـــز و عد شه دوران ائله دی

یوز دوتوب بارگـه قدسه ائدوب عرض خدا

ویردوقون و عـدیه حقیمده منیم ائیله وفا

انتقامین آنامیـن قویمـــا خدا یئرده قالا

گوزده گوز یاشیمی بو امر منیم قان ائیلدی

نئجه ظلم ائتدی آنام فاطــمیه قوم دنی

 

اود ووروب  در گهینــه فرقـه باطل علنی

چاره سیز درده عدوسالدی آنام فاطمه دنی

نه جســــارت آناما فــرقه دونان ائله دی

یانماسئیدی او قاپی کون مــکان یانمازیدی

جدیمین خیمه گهی اود توتوب اودلانمازیدی

شیر خواره بالاسی  ظلمیله او خــلانمازیدی

حرملـه سود امــری قانینه غلطان ائله دی

 شاعر : عبدی تبریزی

 

صاحب عصرفراقینون مبتلالری

وجودون ای گوزل گنجینه حسن و وجاهتدی

کناروندا سنون یوسف فقیر و بی بضاعت دی

کساد ائتماقه حسن  یوسفین  رونقلی  بازارین

سنون بیر بئیله حسنوندن فقط بیرگل کفایتدی                                        

نگاهون گر یئری قالسا جمالوندا یئری واردی

گل رخسارون از بسکه ظریف و با لطـا فتدی        

گوروبدور نرگسین اوغلوندا نرگس گوزلرین نرگس

بینمز ئوز گوزون گـــرچه گُوزی ورد جماعتدی                                       

امامت تک گوزل لیق حجتِ الله ختم  اولموش

سنون گویچکلیقون اون بیر گوزلیقدان علامتدی

سن او بیر گویچکین گویچلیقندان بهره مند اولدون

بونی عالم بولر اثباتینه حجت نه حاجتدی                                                

ائله دیلچسبدور که قویموری لب لبدن آیرلسون

سوز آچماق شهد وصلوندن عجب مشکل حکایتدی

کمندوندن دوشر تا سوز، اسیرون تئز دییر  به به

اسیر عشقون اولماق بسکه شیرین بیر اسارتدی                                        

هره بیر عشقیلن مشهور اولوب مولا بو دنیاده

سنون عشقونده ،  مشهوریتِ اهـل ولایت دی      

بو گونکی وصلوون وار مهدیا هجران کمندینده

بهار وصلووی تهدید ائــــدن پائیز فرقتدی                                           

سنون عشاقوون جشن و سروری تک بو گونلوقدی

صباح عشاقوون حالتلری بیر ئوزگه حالتدی         

دمادم آه چکماق قان اوتوب قان آغلاماق سن سیز

یولووی گوزلین عاشق لره چوخدانکی عادتدی                             

گرک شک ائیلیاق انصافینه انصافآ ای مهدی

دیسه کیم شور هجرانون قیامتدن علامتدی         

سنون هجرونده که برپا اولان غوغا قیامتدن

علامت یوخ ئوزی چون ئوز یرینده بیر قیامتدی                            

سوروشما مبتلایان فراقون کسب و کاریندن

که سن سیز ایشلری دنیاده تنها کسب محنتدی    

ئوزون گل اللریندن دوت ایاقدان قویما دوشسونلر

که الدن توتماق آل اللّهه بیر دیرینه خصلتدی                               

نگاری گورمیوب ئولماق یامان ئولماخدی داد اوندان

بله ئولماق شکنجئیلن برابر بیر مشقتدی 

بولر تنها جمال یارینه حسرت قالان عاشق

که جانانانین یوزون بیریول گوروب ئولماق نه نعمتدی                                

ظهورون بیر عنایتدی بونا سوز یوخ ولی مهدی

اونون تعجیلی عشاقه عنایت در عنــــایتدی                 

 شاعر : کامران تبریزی

 

حضرت ولیعصرون (عج) ولادتینین توصیفی

من عاشقم جمالووه یا صاحب الزمان

جانلار فدا جلالووه یا صاحب الزمان

سن صاحب صفات کمالات حقّ سن

اندازه یوخ کمالووه یا صاحب الزمان

صف صف حقیقت اهلی دوروب الده نقدجان

مشتاقدیلار وصالوه یا صاحب الزمان

سن وصلسن حقیقته بو نظم کاینات

برهاندی اتصالوه یا صاحب الزمان

جاری دی حکمون عالم خلقتده ما سوا

حاضردی امتثالووه یا صاحب الزمان

غیب و شهود عالم امکاندا هر نه وار

وابسته دور خیالوه یا صاحب الزمان

اهل جهانه واسطه فیض سن بو خلق

محتاج دور نوالووه یا صاحب الزمان

شیریندی نطقون اول عسل شهد نابیدن

قربان اولوم مقالووه یا صاحب الزمان

 

واضح دی اللرون که یدالله دی فرق یوخ

هرگز یمین شمالووه یا صاحب الزمان

حیرتده قالسا واردی یئری اهل شرق و غرب

خوش خلقووا خصالووا یا صاحب الزمان

ترسیم ائدیر هلالی بو گون هر آی اوّلی

عاشقدی چون هلالوه یا صاحب الزمان

ایستر زیارت ائیلیه چوخداندی که دوشوب

گون اشتیاق خالوه یا صاحب الزمان

مخصوص ائدوب هدایت کل خلایقی

حق ذات بی مثالوه یا صاحب الزمان

اذن آلماقا ظهورون ایچون استغاثه قیل

خلاق ذوالجلالوه یا صاحب الزمان

قیل بیر ظهور عدلیله حکم ائت که بو جهان

چوخ تشنه دور مقالوه یا صاحب الزمان

سن عین عدل سن که هامی اهل روزگار

حیراندی اعتدالوه یا صاحب الزمان

ای منتظر ئورکلری چوخ قویما انتظار

پایان وئر اعتزالووه یا صاحب الزمان

چک ذوالفقاری آل خون جدوی که او

باعث اولوب ملاکوه یا صاحب الزمان

گل اشقیانی قتله یئتیر انتقامین آل

روحیم فدا قتالوه یا صاحب الزمان

قالدون بو قدر پرده غیبتده بسدی گل

علت ندور دلالوه یا صاحب الزمان

اشکال ایدوله بسکه دوشونموله حقووی

جُهال سن وصالووه یا صاحب الزمان

میلاد دور بو گونده سنه شیعه گوز تیکوب

خوان کرم نوالووه یا صاحب الزمان

گلمز داخی زمانیه مثلون عقیم دور

امّ زمان،  مثالوه یا صاحب الزمان

جایز دگل مبارک آدون ذکری من فدا

میم حاء و میم و دالووه یا صاحب الزمان

من باش گوتورمرم بو وسیع آستانه دن

باغلانمیشام حبالوه یا صاحب الزمان

عشقونده نیتیم بودی مجنون کیمی دوشم

اتلال و هم جبالوه یا صاحب الزمان

دوشموش ایشی صعوبته بو عبد، قوی

توش ائیله مه زوالووه یا صاحب الزمان

امرونله دور ایدر بو جهانی رجال غیب

تاپشور بیزی رجالوه یا صاحب الزمان

بیزده هانی لیاقت ائداق شرح و صفووی

اولسون مناسب حالووه یا صاحب الزمان

شاعر : عبدالعلی منصوری (ره) طالع

 

ادرکنی مولا یا صاحب الزمان

آهنگ مدینه شهر پیغمبر

فراقینـــدا یانان دیل لر اولوب یاره آقا تئزگل

جگرلر بس یانوب غمدن اولوب پاره آقا تئز گل

    عزیز حضرت زهرا، ظهور ائت مهدی ای مولا

سینان دندانی دین اوسته بابان طاهایه آند اولسون

باتان محرابیده قانه شه والایه آندو اولسون

سینان پهلوسی ضربتدن آنان زهرایه آند اولسون

مصیبت چوخ چکن باشی بیبون کبرایه آند اولسون

جمال اکبره حسرت قالان صغرایه آند اولسون

                    اولوبدور شیعه مظلوم و بیچاره آقا تزگل

رضا اولما فراقوندا بو قدری شیعه لر سولسون

اورکلر ابر نیسان تک فراق یاریدن دولسون

محندن سینه چاک ایتسون ویا که زلفونی یولسون

بولوتدان چیخ بیرآن گون تک جمالون آشکار اولسون

شبیه حضرت خاتم جمالون جان فدا اولسون

                که سنسیز شیعیه اولماز ره چاره آقا تزگل

عزیز حضرت زهرا

ظهور ایت مهدی ای مولا

سنی ویروق قسم مولا ابالفضل علمداره

خیمده روز عاشورا یانان سجاد بیماره

نماز شب قیلان اوتدوق یرینده زینب زاره

در و دیواریده ظلمون نشانی قانلی میسماره

دیوب سیلی اولان نیلی بنفشه مثلی رخساره

           پریشان قالموشوق لطف ایله دیداره آقا تز گل

یتیم لر مثلی یوز قویدون حزین دیواره یا مهدی

اولار گوز یاشیمیز گوزدن روان رخساره یا مهدی

اورک شان شان اولار هر دم غم دلداره یا مهدی

دولانیق چوللری مجنون کیمی آواره یا مهدی

چاغیروق داده ادرکنی سنی همواره یا مهدی

قسم ویروق ابالفضل علمداره آقا تز گل                

هامی عاشقلرون قلبی فراقوندا آقا قاندی

هامی عاشقلرون مولا غمونده دیده گریاندی

گئدوبدی شوق و ذوق الدن هامی زار و پریشاندی

سنون  هجرونده روشن گون بیزه شام غریباندی

قلنجون آل اله دنیا گورورسن غرق طوفاندی

سراج اول جان زهرا بو شب تاره آقاتز گل             

 شاعر: کاظمی مرندی            

 

طاووس جنت سرود آهنگ

ای بت عالمیان شاهـــد پاکیزه سرشت

آناسی نرگس جنت ئوزی طاووس بهشت

ای کمان ابرو،زینت مینو

گل گل مولا، سنه قربان

ای که بیر مرحــمتون دولت دارایه ده یر

دلبرا گول باخشون هر ایکی دنیایه ده یر

ما سوا شاهی ،فاطمه ماهی

گل گل مولا  ،  سنه قربان

سنه دوزدی یاراشـــــور عالمه ناز ائیلی یه سن

بیر باخیش خوشدی که درویشه نیاز ائیلی یه سن

نازلی یاریمسان،شهریاریم سان

گل گل مولا ،          سنه قربان

سویورم من او گوزی عاشق رخسارون اولا

منه بیر گوز کـــرم ایت قابل دیدارون اولا

یار زیبنده،وار گوزیم سنده

گل گل مولا   ،   سنه قربان

من سنی گورمه میش هر یئرده دعا ائیلمیشم

گئجه گوندوز آدون عشقیله صفا ائیلمیشم

ای آدی یادیم،عشقی هر زادیم

گل گل مولا   ،        سنه قربان

قسمتیم اولسا اگر من سنی دنیاده گورم

خوشدی مولا بالاسی مرقد مولاده گورم

جان مولاسن،عشق زهراسن

گل گل مولا   ،     سنه قربان

گرچه آدوون یادی هر درد اولا درمان ائلر

گل که گلماخلیقون هر مشکلی آسان ائلر

یار چاتار یاره،درد اولار چاره

گل گل مولا   ،     سنه قربان

سن اگر اولسان آرامیزدا، بو هجران اولماز

آچیلار شیعه لرین قلبی داخی قان اولماز

نگران گوزلر،یولووی گوزلر

گل گل مولا  ،  سنه قربان

ایسته سن غم یئمی یم هیچ دئمی یم غصه دن آخ

او طبیبانه باخان گوزلریلــــــه “ساکته” باخ

من بیــماری،قیل اوزن یاری

گَل گُل مولا ،  سنه قربان

 شاعر:  “هویدا” تبریزی

 

صاحب عصر فراقیندا

 

سولوبدور گلشن جانیم جهاندا هر زمان سنسیز

شکسته نی کمین اولموش ایشیم آه و فغان سنسیز

گلستاندا صفا اولماز اگر سن اولماسون ای گول

خزان سنلن بهار اولسا بهاریمدور خزان سنسیز

کونول شیدا اولوب ای گول دوشوب دشت و بیابانه

منه ویرانه لر هرگون اولوبدور آشیان سنسیز

ایاقدان سالدی عشقین گورنجه درده دچار اولدوم

دیزیمده قالمادی طاقت اولوب صبریم تالان سنسیز

اگر بلبل اوخورسا،  بولکی واردی اوندا بیر حکمت

قالان تنها حقیقت دور داها هر شی یالان سنسیز

حضوره گلسن ای دلبر جهان ویرانه تک قالماز

گل ای آرام جانیم گل اولوب دنیا یامان سنسیز

فغانه گلسم هر ساعت شماتت ائیلمه هرگز

کی فریاده گلر هر دم تک و تنها قالان سنسیز

نیستاندان دوشن آیری شکسته بیر نییم دیلده

بودور هر لحظه فریادیم امان سنسیز امان سنسیز

“رضا ” اولمــا دوشــم منده کمند عشق اغــیاره

کی آیری عشق عالم ده اولار چوخلی دومان سنسیز

شاعر: رضا قاسم زاده

 

ای ماه بی مثال یا بقیه الله

ای جمالیندان خجل شمس و قمر یابن الحسن

گل ئوزون قیل شیعیانی مفتخر    یابن الحسن

ای یگانه  منجی  اهــل ِ ولایت  ،    هارداسان

گل که ظالملر تاپوب دنیاده فرصت هارداسان

صورتون مستور ائدوبدی ابر غیبت هارداسان

انتظارونــدور سنون نسل بشر یابن الحسن

ای ولی الله اعظم حجت اثنی عشر

بو زمـاندا ای ولی نعمت نسل بشر

اولماسون سن یر ئوز اهلین کامینه فوراًچکر

قالـــماز اصلا اجتماده بیر نفر یابن الحسن

ای امام مقتدا ای اهل دینین رهبری

بیر نگاهیله ئوزون شاد ائیله سینمیش دیللری

چک نیامیندان کناره ذوالفقاری حیدری

قوی ائده ظالملر احساس خطر یابن الحسن

ایسته تعجیل ظهور اولسون ظهوروندا سنون

بذل ائده عاشقلرون تا جان حضوروندا سنون

واردی خضرونده گوزی آب طهوروندا سنون

گرچه تاپدی آب حیوان مختصر یابن الحسن

 

ابر غیبتدن اماندور چیخ ایا صاحب زمان

نوروی سال تا بساطین جمع ائده طغیان گران

عالم اسلامیده سنسیز گروه ناکسان

خود سرانه ایلور اظهار یابن الحسن

کعبه دن اجلالیه قوزا حقیقت پرچمین

احتزاز اوسته گتور هر دم ولایت پرچمین

دهریده سرکوب ائله ظلم و ظلالت پرچمین

کاخ استبدادی  قیل زیر و  زبر یابن الحسن

یوسف صدیق سن مرضیّه نون دلبندی سن

یاور قرآن دیی ین قرآنه سن  پابندسن

سن حسین ابن علینون شیر دل فرزندیسن

شیر گیر و شیر زاد و شیر نر یابن الحسن

قاف دین عنقاسیسان ای خسرو عرش آشیان

سایه الطافوه سایه نشین اولموش جهان

صبح وصله شام هجرانی یتور ای دلستان

ایلوب احبابی فرقون خونجگر یابن الحسن

گل اوزون بنیان گذار اول معدلت دیوانینه

دادخواه اول سیدی جدون حسینین قانینه

گل نزول ائیله دوشوب اود اهل دیننون جانینه

چوخلاری پولدان اوتور دیندن گیچر یابن الحسن

 

اهل بدعت عرصه نی اهل ولایه تنگ ائدور

بعضی لر تقلید گونده غریبدن فرهنگ ائدور

آدلارین مومن قویانلار مسلمینّن جنگ ائدور

بو، دورو، اشخاصیلردن، الحذر یابن الحسن

سن ، گلستان محبتده ،گل شاداب سن

عشق مولکونده بو گون عاشقلره ارباب سن

آسمان معرفتده جلوه لی مهتاب سن

ای جمالی شمسه کاخ هنر یابن الحسن

سیدی گستردی الله عالمه لمعاتوی

تا گوره یول گوزلینلر جلوه لی مرآتوی

قور جهان پرفتنده عدل تشکیلاتوی

تا ولایت اهلی آچسین بال پر یابن الحسن

گل اوزون ترویج ویر اصل اصول مذهبه

کربلا دردی سالوبدور دللری تاب تبه

هامودان چوخ سن ایدرسن ناله عمون زینبه

عموه خاطر بو جمعه قیل نظر یابن الحسن

یابن زهرا ای حقیقت عالمینه مقتدا

قیل ظهورونده شتاب ای رهبر دردآشنا

گسمه لطفون ایت کرم “افکاری” بی دست و پا

کربلایه با غلاسین بار سفر یابن الحسن

 شاعر :  افکاری سردرودی

 

مدح ولادت حضرت حجت بن الحسن

 

ابر سفید یله یوزونی اورتوب آفتاب

یا آفتاب اوزینه چکوب پرده سین سحاب

گون فیضنی بو عالمه هر لحظه گوسترور

ایستر نقابدار اولا یا اینکه بی نقاب

گون بیر وجودیدور که سالور هر یانا ایشق

گون اولماسا کرات عوالم اولار سراب

منظومه بو شمس جلی شش جهتده دور

دورینده نجملر دولانور مثل آسیاب

مبدادی هر منافع علوی و سفیلیه

باقیدی اونلا آتش و باد و تراب و آب

بو مهر دور مربی مادون حیطه سی

ایزد عطا ایدوب بو نا نیروی بی حساب

کاهلیه کوه و ذریه هم پرورش ویرر

دایم ایدر سه گانه موالیدی کامیاب

بوگون دگل عوالمه خدمت گذار دور

دورومجی گوگده مسکن ایدوب چوخلی ملتهاب

تشبیه اولسا ناقصه کامل دگل سزا

تفهیمچون دیلسه اولور اولمیا عتاب

گوندور حقیقتا ولی عصر و الزمان

بیر ذره دور ضیا رخوندن بو نه قباب

مانند مهردور پس ابر سفید ده

ایتمش جمال لم یزلی غیبت حجاب

فیضی  یتر عوالم امکانه دم به دم

مانع دگل فیوضنه بیر ذرجه غیاب

قرن سویومده نیمه شعباندا عشقلن

ایتدی تمام عالم امکانی مستطاب

قویدی قدم جهان فانیه بو شاه مننتظر

کون و مکاندا ظاهر اولوب آیری انقلاب

انجام امر و نهی مهماتنه گوره

جبریل اولوبدی شغلی ایابیله هم ذهاب

سگیز بهشتی مقدمی گتدی بو عالمه

خاموش اولوبدی آتش نیران هفت باب

پابوسنه ملایک و جن و وحوش و طیر

هر ستمدن ایدوبله سر کوینه  شتاب

غلمان و حور مقدمنه ایتدیلر نثار

لعل بهشتی و در زر وزلف مشکناب

ارواح انبیا شرف پیشگاهنی

درک ایتدیلر اولوبلا حضورنده فیض یاب

تبریک حق دیوب حسن عسگری شهه

عرش برینه فخر ایلیوب توده تراب

همنام جد پاکی محمددی حضرتی

هر بیر صفاتیده یتورور حقه انتساب

اثنا عشر کماله یتشدی امامیده

ختم اولدی اوصیای شه خاتمت مآب

کونه ولی سیزدهم حی حقیدور

اصلاح عالمینه اولوب حقدن انتخاب

آخر خلیفه ذات خدا و رسولینه

تعیین اولوبدی بو ملک آسمان رکاب

بو شهدی ذی المقدمه عالم مقدمه

تز درک ایدربو نکته نی اشخاص ذولباب

ارسال هر رسول و نزول کتابیدن

مقصد بو شهدی چون اوزودی معنی کتاب

عالمده کل ماخلقه حجت خدا

یوخ بیر نفر بغیر بو سلطان در غیاب

گر حجت اولماسا تو کولر نه فلک یره

یرلر باتار فنا اولو دریاده چون حباب

بو کونیده تمام سو الهه شاهدی بو

مالکدی بی درنگ و بلا شک وار تیاب

تک بو وجودو دور تمام عالم جلا

نوریندان آسمان ویر ایلله اکتساب

تعظیم خاک پاینه عالمده هر نه وار

اگمشله باش چو حضرتدی مالک الرقاب

بیر گون گلور ظهوره پس پرده دن عیان

آباد دین ایوینی ایدر کفر ایوین خواب

هر ظلملن دولان یری عدلیله دولدرار

اوندا ایشق ویرر فلکه صفحه تراب

نور جمالی عالمی ایلر بیله ایشق

گویا کی گون تیره گیوب نوردن ثیاب

اضداد کو نه صلح و یرر بو صعنای کون

گرگیله میش همدم اولار کبللن عقاب

مفسدلری بو مصلح کل محو ولا ایدر

قالماز فساد یرده بقدر پر ذباب

“عاصم” قوجالمیان ئولمون گور تدارکین

بیرده سنه قایتمیاجاق دوره شباب

شاعر : مرحوم عاصم زنجانی

ولادت صاحب عصر آهنگ ای قلم

 

ای خدا باغریمز لخته قاندی

یوسف فاطمه چوخ یوباندی

آغلارام قلبیدن بی قرارم

مهدی جان من سنه انتظارم

منتظیر دور سنه آشنالر

گوز تیکوبدور یولا بینوالر

مستجاب اولمور الله دعالر

آغلارام روز وشب دلفکارام

مهدی جان گوزلرین نوری سنسن

عالمین اصلی منظوره سنسن

عشقلی دللرین شوری سنسن

گل یوزین گورماقا بیقرارم

سنسن عالمده هر درده چاره

پرده غیبتی چک کناره

لطف ایله من باخوم گل عذاره

مقدم پاکوه جان نثارم

قالمیوب عمریمین اعتباری

هارداسان غملیلر غمگساری

گورماقا من او چشم خماری

دیده گریانم و روز شمارم

سرعتیله گیچور آیلار ایللر

فرقتونده دونوب قانه دیللر

گلمدون سینه می دلدی غملر

قیل عنایت آقا یوخدی چارم

سن ظهور ایلسون ای یگانه

گلمروک بو قدر الامانه

گل گتور تازه جان بو جهانه

بلکه درمان اولا دلده یاره م

ای ابا صالح ای جان زهرا

میوه قلب سوزان زهرا

قویما یرده قالا قان زهرا

محنتین شرح ایدم شرمسارم

فرقتونده من”افسرده” حالم

روزو شب غرق بحر و ملالم

من غلام در هشت و چهارم

مهدی جان تک سنه انتظارم

سینه میزده آقا چوخدی یاره

گل خزان قویما گلسین بهاره

پرده ده قالما چیخ آشکاره

طاقتیم قالمیوب اشکبارم

 شاعر :  افسرده آذرشهری

 

در انتظار منتظر

ای مسیحا دم کونول هجرونده قان اولماقدادی

خرمن جانه بو هجرانون شرر سالماقدادی

تیر مژگانون سنون هر لحظه جان آلما قدادی

منتظر شیدالرون گول تک آقا سو لماقدادی

سویله بو گوزلر نوقته منتظیر قالماقدادی

جان جانانمسن ای جان عالمین سلطانی گل

 ای سنه جانیم فدا گل مقدمون قربانی گل                                   

عاشق زارون کیمی هیچ ابر نیسان آغلاماز

نسل عشاقه یتیشسه وصل جانان آغلاماز

تاپسا گر بیمار عشقون اصل جانان آغلاماز

مین لر اسماعیل قربانون وئره جان آغلاماز

یوسفین گورسه اگر یعقوب دوران آغلاماز

جان شیرینون گوره فرهاد نالان آغلاماز

ای صفای دل جلای دیده گریانی گل

 ای سنه جانیم فدا گل مقدمون قربانی گل                                   

گورسه عابد قامتون قد قامتینده دوز قالار

طلعتون گورسه مه تابان اگر پنهان اولار

کیرپگون اوخدور دل عشاقی هر دم پارچالار

مرغ دل شوق وصالونه عزیزیم پرچالار

جان ویرر مهرون تن بی روحع قهرون جان آلار

سن گلن یوللاری چشم چشمه عالم سولار

یوسف گمگشته شاد ایله دل زهرانی گل

ای سنه جانیم فدا گل مقدمون قربانی گل                                    

قامت رعنائیله طوبانی گوزدن سالموسان

دمبدم اعجازیله عیسانی گوزدن سالموسان

مین ید بیضائیله موسانی  گوزدن سالموسان

عارضونله یوسف زیبانی گوزدن سالموسان

یوسف زهرا مگر دنیانی گوزدن سالموسان

باری گوزدن سالما مولا شیعه نالانی گل

ای سنه جانیم فدا گل مقدمون قربانی گل                                    

 خال هندو چشم جادو سرو قامت سنده دی

درد عشقه الده دارو هر طبابت سنده دی

دست حاجت بیزده دامان کرامت سنده دی

منتظر لر حالنه لطف و عنایت سنده دی

یوز جراحت بیزده وار مین لر ملاحت سنده دی

درد بیماران عشقه گل گتور درمانی گل

ای سنه جانیم فدا گل مقدمون قربانی گل                                    

دلبر نوشین لب و شیرین شمایلسن آقا

ای مه اون دورت شهر عشقه بدر کاملسن آقا

چاره سیزلر دردینه سن چاره حاصلسن آقا

سن یدالله اوغلی هر ظلمه مقابلسنآقا

منجی عالم ندندور صبره مایلسن آقا

ابر غیبتده ندن بیله حمایلسن آقا

سال نقابون چهردن ای ملک جان جانانی گل

ای سنه جانیم فدا گل مقدمون قربانی گل                                    

اولموش اغما چشمگریان طول راهوندان سنون

بیر نظر قیل کام آلوم چشم سیاهوندان سنون

عاشقون دوشموش کمنده غم سیاهوندان سنون

خوار اولار خجلت زده اول روی ماهوندان سنون

کل عالم باج آلار منظر نگاهوندان سنون

مامن اخذ ایلر هامی لطف و پناهوندان سنون

گل مقرر ایت حکومت مرکزین ایرانی گل

ای سنه جانیم فدا گل مقدمون قربانی گل                                    

ای صبا اول یاریدن ویر بیر بشارت بولبوله

باغبانین گلماقیندان خوش خبر ویرسین گله

خار الیندن دوشمه سین گول گلستاندا موشکوله

بحر غمده غرق اولان دنیانی چکسین ساحله

بلکه جانان انتظاریندن بو جانیم دینجله

ای دلیم شاد اول بو جمعه دلبرون شاید گله

دلخوش اول سنده “نبی” سلسله شه خوبانی گل

ای سنه جانیم فدا گل مقدمون قربانی گل

شاعر : محمدنبی

***************************************

السلام علیک یا بقیه الله

مژده محبانه ویرون حجت دادار گلور

عشق دیارین بزیون رهبر احرار گلور

دیوی حرمدن چخادون محرم اسرار گلور

عشقیله پیشوازه چخون نازیله دلدار گلور

سرور عالم پسر احمد مختار گلور

یوسف اونا مشتریدی رونق بازارگلور

بی خبر اغیاره دیون با خبر اول یار گلور

کاتب احبایه یازور تذکره عنوان برات

هاتف جان خضره دیور سپ یولونا آب حیات

تشنه دی شیرین لبینه دجله و عمان و فرات

عالم سبقتده اونا حق ویروب عالی درجات

سامرانین توپراقنا نازل اولوبدور برکات

نرجسه تبریک دیور مریم و صدیقه صفات

قبلیه دوندر یوزوی مهدیه گوندر صلوات

منشا خیر و برکت مطلع انوار گلور

سینه سی سینایه دگر قامتی طوبایه دگر

یاریمزین بیر نفسی عمر مسیحایه دگر

پرچمینی قوزاسا گر عرش معلایه دگر

اوندا یدالله الی وار مین ید  بیضایه  دگر

جدینه بنزر گوزی مین دیده شهلایه دگر

هر یره قویسا قدمین جنت العلایه دگر

فاطمنون اوغلیدی بو بیر توکی دنیایه دگر

فارس میدان نوه حیدر کرار گلور

مرغ خوش الحانه دیون گل دله سندیر قفسی

گیچدی خزان فصلی اویان عالمه سال نغمه سسی

گویده عقاب عرصه سینه قویما دولانسین مگسی

گلدی او مولا که ایدر شیعه نی احیا نفسی

بسدی اجانب دیمسون یوخ بولارون دادرسی

گوش ملائک ایشیدور یولداکی بانگ جرسی

باشدا اشرف تسکهلی الده علی اسلحه سی

منتقم خون حسین مفخر اخیار گلور

مکتبی احیا ایده جاق دشمنی رسوا ایده جاق

اوچ یوز اون اوچ ممتحنین مدرکین امضاء ایده جاق

ظاهر اولوب جمعه گونی مکه ده شورا ایده جاق

وادی بطحایه گلوب غلغله برپا ایده جاق

فاطمه دشمنلرینون ظلمنی افشا ایده جاق

اوچ نفری یاندیرا جاق حل معما ایده جاق

گویدی منادی دیجاق حقه طرفدار گلور

مظهر ایثار گلور یار فداکار گلور

شمع شب تار گلور قافله سالار گلور

عشقه خریدار گلور نعمت پربار گلور

رحمت سرشار گلور فیض سزاوار گلور

لایق دربار گلور زینت گلزار گلور

هی آدی تکرار گلور دللره هموار گلور

ناشر اخبار گلور ناصر ابرار گلور

بی خبر اغیاره دیون باخبر اول یار گلور

جان به کف آزاده لرین رهبری مهدی آقادی

منتظران فرجین سروری مهدی آقادی

امت قرآن باشینون افسری مهدی آقادی

مخزن علم و عملین گوهری مهدی آقادی

دهریده دلداده لرین دلبری مهدی آقادی

سلسله معرفتین مفخری مهدی آقادی

غملی ستمدیده لرین یاوری مهدی آقادی

ای الی الدن اوزولن غم یمه غمخوار گلور

من او گله مشتریم ایستمرم هر گوزلی

بنزمز هیچ بیر گوزله ساقی کوثر گوزلی

شاه شهیدان سور اول اکبره بنزر گوزلی

حسینده یکتا یارانوب آل پیمبر گوزلی

فاطمه دلبندیدی بو جمله گوزللر گوزلی

یوسف اونون عاشقیدی چون گوزل ایستر گوزلی

سوزلری سوزلر نمکی گوزلری گوزلر گوزلی

مژده دیدار گلور دولت بیدار گلور

رهبر عیسی دمه باخ متقی اکرمه باخ

قیدینی نامحرمین آت گل حرمه محرمه باخ

کوثرین آثارینی گور یعنی خروشان یمه باخ

معتصم اول رشته سینه سلسله محکمه باخ

سابقه روشنیله نابغه عالمه باخ

لشکر نوریله گلور الده یاشیل پرچمه باخ

وارث شمشیر دو سر فخر بنی آدمه باخ

حیدر کرار کیمی قامتی ستوار گلور

ای دل غافل آیق اول دوگمه هر ادنا قاپسین

گوزلروی یوم تانیما مردم دنیا قاپسین

اهل ولادن خبر آل عشق و تولا قاپسین

تا سنه ویرسونله نشان عترت طاها قاپسین

بنده مگر بسته گورر حضرت مولا قاپسین

گونده ملکلر سوپورر مهدی زهرا قاپسین

حشریده مهدی آچاجاق جنت الا علا قاپسین

عزتی فاش اولسا او گون اللره معیار گلور

عزت بی حد گورونور پرتو ایزد گورونور

منتظران موکبنه قاصد و مقصد گورونور

تخت وقار اوسته چخوب صاحب مسند گورونور

پرده جمالندن آتوب یار موید گورونور

مظهر اب، منظر جد مفخر ابجد گورونور

آمر کل اممه سامره مولد گورونور

شیعه گوزوز روشن اولار نور محمد گورونور

موکب انوار گلور کوکب سیار گلور

جلوه اسحار گلور نقطه پرگار گلور

مهر نمودار گلور عالمه سردار گلور

ضد ستمکار گلور غنچه بی خار گلور

حجت دادار گلور رهبر احرار گلور

همدم اخیار گلور محرم اسرار گلور

مطلع انوار گلور حقه طرفدار گلور

وصله”کلامی” تلسور ملهم اشعار گلور

بی خبر اغیاره دیون باخبر اول یار گلور

شاعر : کلامی زنجانی 

&&&&&&&&&&&&&&&&&&&&&&&&

تولد امام زمان (عج)

وار نیمه شعباندا بویوک ابر و سعادت

علت اودیکی شیعه دوتار جشن ولادت

گلزاره صفا ویردی بو گون نو گل نرگس

گلشنده ایدور بلبل گلزار سیاحت

گل آچدی چمن گولدی یتوب فصل بهاران

گل عاشقانه باد صبا ویردی بشارت

ظلمت سه ون انسانلارین آرامشین آلدی

باش ویرجاق افقدن او گونی شمس امامت

یلدا گیجه سی تک ایله تاریکدی دنیا

ظلمات گیدوب جلولنوب ماه عدالت

جبریل ندا ایتدی زمان صاحبی گلدی

روشن گوزون اولسون سنون ای ختم رسالت

یتجاق بو خبر روضه جنات نعیمه

شاد اولدی علی میر عرب شاه ولایت

ترتبیله مژده یتوشوب اهل بهشته

خنداندی خانم فاطمه محبوبه جنت

بیر دایره تشکیل ویروب مریم و سارا

حوا ایدوری عدنده کی جشنه نظارت

مستحضر اولوب واقعه دن شام اسراسی

زینبده قوروب اونلاریلان بزم ضیافت

گلدی دیله اول مرحله ده اصغر آناسی

عرض ایتدی خانم زینبه ای معدن عصمت

عمریم بوئی دنیاده اگر غمزده اولدوم

مشتاقم ایدم سیزلریلن جشنده شرکت

قانین آلاجاق اصغریمون مهدی موعود

عدلیله ایدر فرقه مظلومه حمایت

الدوردی اگر حرمله نی کوفه ده مختار

چوخدور گنه ده حرمله تک اهل ظلالت

ظالملره دنیاده مجازات اولا خوشدور

دیوان اولاجاق گر اولارا روز قیامت

بیر بیر اسرا سلسله سی دوردی ایاقه

تبریک دیوب زینب مظلومه نهایت

گلدی دیله ویرانه نشین نازلی رقیه

عرض ایتدی منیمدور بی بی جان نوبت صحبت

یادوندادی من عمه یول اوستونده قالاندا

زجرین ستمی قورخلی صحرا گیجه ظلمت

من نئله مشم زجره و یا شمر و سنانه

الدوردوله ظلمیله منی قوم شقاوت

قرح منزلی قول باغلی گیدوب شامه یتشدوک

ویرانه ده زهرا بالاسی ایتدی سکونت

بیلدورمدوم اوندا سنه چوخ نسگلی عمه

قیزلار منه ویرانه ده ایلردی شمادت

الحق بی بی جان هر گیجه نون گوندوزی واردی

منظوریم ایدوم خدمتوه عرض بشارت

ویر مژده می قان آلماقا قان صاحب گلدی

ارزش تاپاجاق ظاهر اولاندا بشریت

مظلومیلره عید اولی ظالملره دیوان

دنیانی اوگون دولدوراجاق نور عدالت

مئومنلره بایرامدی همین نیمه شعبان

خوشبخت ایدجاق خلقی بو فرخنده ولایت

خالق ئوزی تیز قسمت ایدر وقت ظهورین

بلکه او زمان باب و بهائی چکه خجلت

غیبت قوتارار “نادری” ظاهر اولا قائم

دنیاده ایداق بیزده اومولانی زیارت

ای شرکت ایدن جشنده حضار گرامی

صلوات عزائیله ویرون مجلسه زینت

شاعر :  مرحوم قدرت اله نادری

&&&&&&&&&&&&&&&&&&&&&&

میلاد مسعود حضرت ولی عصر

آهنگ کاروان رفته منزل به منزل

گلدی دنیایه مهدی موعود

شیعیانه اولوب عید مسعود

بو حبیب حق لم یزلدی

یوسف مصریدن چوخ گوزلدی

ایتدی دنیانی طرفه گلستان

عالم اولدی بو گون خلد رضوان

یر اوزین ایلدی نور باران

بو حبیب حق لم یزلدی

یوسف مصریدن چوخ گوزلدی

گل آچوب گلستان امامت

هانسی بیر گلده واربو طراوت

عالمی چولقیوب عطر جنت

بو حبیب حق لم یزلدی

یوسف مصریدن چوخ گوزلدی

گلمیوب بیله گل گلستانه

مرحبا بسلین باغبانه

اهل عشقه ویرر عیدیانه

بو حبیب حق لم یزلدی

یوسف مصریدن چوخ گوزلدی

کیمده وار بیله بیر شان عزت

هانسی شهد اولار بو جلالت

واردی کتفده مهر امامت

بو حبیب حق لم یزلدی

یوسف مصریدن چوخ گوزلدی

ایتدی بو شه ازل ذکر سبحان

خالقه غرض ایدوب حی منان

دین و قرآنه اولام نگهبان

بو حبیب حق لم یزلدی

یوسف مصریدن چوخ گوزلدی

فخر ایدر زاده مصطفادی

دین و قرانه بو رهنمادی

عیدیانه ویرر با وفادی

بو حبیب حق لم یزلدی

یوسف مصریدن چوخ گوزلدی

گلدی دنیایه عصرین امامی

حق یانیندا بیوکدور مقامی

مدحی یازدی همین بو کلامی

بو حبیب حق لم یزلدی

یوسف مصریدن چوخ گوزلدی

شاعر : مدحی تبریزی

منبع

نظرات (۰)
هیچ نظری هنوز ثبت نشده است

ارسال نظر

ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">